១.សម្រកទម្ងន់
នៅពេលយកស្លឹកគ្រៃទៅធ្វើជាតែ បរិមាណកាឡូរីវាមានទាបបំផុត។ ១ ស្លាបព្រានៃស្លឹកគ្រៃមាន ៥ កាឡូរី និងកាបូអ៊ីដ្រាត ១ ក្រាម។ ផឹកតែ ១ ពែងមុនពេលអ្នកញ៉ាំអាហារនឹងជួយអ្នកសម្រកទម្ងន់បានរហ័ស ព្រោះមិនធ្វើឲ្យឃ្លាន។
រូបតំណាង
២.ជួយការរំលាយអាហារតែគល់ស្លឹកគ្រៃជួយព្យាបាលបញ្ហាសុខភាពផ្នែករំលាយអាហារ ការទល់លាមក ជំងឺបេះដូង ជំងឺរាករូស ហើមពោះ ក្អួត ឈឺក្បាល និងរមួលក្រពើ។ តែគល់ស្លឹកគ្រៃ មានលក្ខណៈសម្បត្តិប្រឆាំងនឹងមីក្រុបដែលធ្វើឲ្យរលាកក្រពះ- ពោះវៀន។
៣.ត្រួតពិនិត្យកម្រិតកូឡេស្តេរ៉ុល
តែគល់ស្លឹកគ្រៃមានជាតិប៉ូតាស្យូមខ្ពស់ដែលជួយបន្ថយសម្ពាធឈាម។ ផឹកតែនេះមួយពែង មិនបាច់រៀងរាល់ថ្ងៃក៏បានដែរ។
៤.សម្អាត និងបន្សាបជាតិពុល
នេះគឺជាបញ្ហាប្រឈមមួយក្នុងចំណោមបញ្ហាប្រឈមធំបំផុតដែលរាងកាយជួបប្រទះរាល់ថ្ងៃ។ តែ ស្លឹកគ្រៃអាចជួយដោះស្រាយបញ្ហានេះបាន ព្រោះវាមានសារធាតុ diuretic បញ្ចេញជាតិពុល អាស៊ីដអ៊ុយរិក និងកូឡេស្តេរ៉ុលអាក្រក់ចេញពីរាងកាយ ដោយបង្កើនបរិមាណនោម។
៥.ជួយព្យាបាលជំងឺផ្ដាសាយ និងជំងឺគ្រុន
ក្នុងតែស្លឹកគ្រៃមានលក្ខណៈសម្បត្តិប្រឆាំងបាក់តេរី និងផ្សិត ដើម្បីឈានទៅកាត់បន្ថយការកើតជំងឺផ្ដាសាយ ក្អក និងគ្រុន។
៦.ប្រយុទ្ធប្រឆាំងនឹងជំងឺមហារីក
ការស្រាវជ្រាវមួយដែលបានធ្វើនៅសាកលវិទ្យាល័យ Ben Gurion ប្រទេសអ៊ីស្រាអែលបានបង្ហាញថា ស្លឹកគ្រៃអាចប្រឆាំងនឹងជំងឺមហារីកបានតាមរយៈសារធាតុដែលហៅថា "citral" ។ នៅក្នុងប្រទេសអ៊ីស្រាអែលអ្នកជំងឺមហារីកត្រូវបានលើកទឹកចិត្តឲ្យយកតែស្លឹកគ្រៃផឹកនៅពេលព្យាបាលដោយប្រើគីមី។
រូបតំណាង
៧.បន្ថយការឈឺចាប់នៃជំងឺរលាកសន្លាក់ស្លឹកគ្រៃអាចបំបាត់ការឈឺចាប់យ៉ាងមានប្រសិទ្ធភាពខ្ពស់ក្នុងការព្យាបាលជំងឺរលាកសន្លាក់ និងបញ្ហាទាក់ទងដូចជាជំងឺរលាកឆ្អឹងខ្ចី រលាកសន្លាក់ gout និងប្រភេទផ្សេងទៀតនៃការឈឺសន្លាក់។
របៀបប្រើ: លាយប្រេងស្លឹកគ្រៃ និងប្រេងដូងនៅក្នុងសមាមាត្រ ១/២ ជូតវានៅលើតំបន់រងផលប៉ះពាល់។ បន្ទាប់ពីពីរម៉ោងលាងចេញវា។ ធ្វើបែបនេះជារៀងរាល់ថ្ងៃសម្រាប់បីសប្ដាហ៍ ហើយជម្រើសផ្សេងទៀត គឺផឹកតែស្លឹកគ្រៃពីរដងជារៀងរាល់ថ្ងៃ។
៨.ប្រយុទ្ធប្រឆាំងនឹងជំងឺបាក់ទឹកចិត្ត
តែស្លឹកគ្រៃមានលក្ខណៈសម្បត្តិប្រឆាំងនឹងជំងឺធ្លាក់ទឹកចិត្ត។ ផឹកតែនេះមួយពែងផ្ដល់នូវការធូរស្រាលពីការថប់បារម្ភ និងធ្វើឲ្យអ្នកមានអារម្មណ៍ថាមានទំនុកចិត្ត ព្រមទាំងបង្កើនកម្លាំងផ្លូវចិត្ត។ នៅពេលណាដែលអ្នកមានអារម្មណ៍បាក់ទឹកចិត្ត ឬមានអារម្មណ៍មិនសូវល្អផឹកតែស្លឹកគ្រៃ នឹងជួយឲ្យអ្នករក្សាភាពស្ងប់ស្ងាត់៕
ចុចអាន៖ គុណសម្បត្តិ ៥យ៉ាងចំពោះសុខភាពពីផ្លែទំពាំងបាយជូរខ្មៅ ដែលមិនគួរមើលរំលង
ប្រភព៖ Fashionlady ប្រែសម្រួល៖ ឡៃហ៊ាង