ថ្ងៃនេះ VOB News នឹងបង្ហាញថាទាំងនេះជារឿងដែលយើងត្រូវដឹង ដើម្បីរក្សាខួរក្បាលឲ្យបានល្អ៖
១. គេងមិនគ្រប់គ្រាន់អាចឲ្យការចងចាំធ្លាក់ចុះ
អ្នកវិទ្យាសាស្ត្រដែលមកពីសាកលវិទ្យាល័យ California នៅ Berkeley បានបង្ហាញថាការគេងមិនគ្រប់គ្រាន់នឹងធ្វើឲ្យខួរក្បាលចុះខ្សោយយ៉ាងខ្លាំង។ នៅពេលដែលយើងគេងបានស្កប់ស្កល់ខួរក្បាលនឹងសម្អាតកាកសំណល់ដែលអាក្រក់ចេញពីក្នុងខួរក្បាលដែលផ្ដល់ឲ្យយើងមានអារម្មណ៍ស្រស់ថ្លា គិតបានលឿនជាដើម។ ដោយឡែកបើយើងគេងមិនបានត្រឹមត្រូវវិញ ខួរក្បាលមិនអាចធ្វើការបានល្អនោះទេដែលជាហេតុធ្វើឲ្យខួរក្បាលអ្នកកាន់តែទ្រុឌទ្រោមទៅៗ។
២. ស្ត្រេសកាន់តែខ្លាំងខួរក្បាលកាន់តែអាក្រក់
ការថយចុះនៃការចងចាំ សមត្ថភាពក្នុងការរៀន ការគ្រប់គ្រងខ្លួនឯង ទាំងនេះគឺជាផលវិបាកដែលបានមកពីភាពតានតឹងរ៉ាំរ៉ៃ។ លើសពីនេះទៅទៀតវារួមចំណែកធ្វើឲ្យយើងមានអារម្មណ៍ឆាប់ខឹង ថប់បារម្ភ និងពិបាកដកដង្ហើមទៀតផង។
៣. ស្រលាញញ់ពេក ស្អប់ពេកក៏ប៉ះពាល់ដល់ខួរក្បាលដែរ
អ្នកវិទ្យាសាស្រ្តអង់គ្លេសបានរកឃើញថា ស្នេហា និងសេចក្តីស្អប់ មាននៅ ក្នុងខួរក្បាល ស្រដៀងគ្នា។ វាអាចមានឥទ្ធិពលទៅលើខួរក្បាលដូចជាការរន្ធត់ចិត្តខ្លាំងព្រោះឈឺចាប់ ឬខឹងស្អប់អ្នកណាម្នាក់ដែលអាចឲ្យខួរក្បាលមានរឿងអវិជ្ជមានច្រើន។
៤. ផឹកទឹកមិនគ្រប់គ្រាន់
ខួរក្បាលរបស់យើងគឺស្ទើរតែ ៨០% នៃទឹកទៅហើយ ដូច្នេះការបាត់បង់ជាតិទឹកអាចឲ្យខួរក្បាលបាត់បង់សមត្ថភាពចងចាំ ហើយឆាប់ហត់មិនអាចធ្វើការងារបានយូរនោះទេ។
អ្នកវិទ្យាស្រ្តបានសង្កត់ធ្ងន់ថាអាហារដែលមានជាតិផ្អែមក្រោមការកែច្នៃនោះគឺប៉ះពាល់ដល់ខួរក្បាលខ្លាំងណាស់ ដូចជា Cake ជាដើម ដូច្នេះគួរតែកាត់បន្ថយវាឲ្យបាន។ ត្រូវញ៉ាំបន្លែ ត្រី សាច់វិញទើបអាចផ្ដល់នូវជីវជាតិគ្រប់គ្រាន់សម្រាប់ទ្រទ្រង់ខួរក្បាល។
ចុចអាន៖ ស្លឹកគ្រៃមិនត្រឹមជាគ្រឿងទេសសម្រាប់ម្ហូបមួយមុខ តែវាមានប្រយោជន៍ហួសស្មាន
ប្រភព៖ womansbeautyextra ប្រែសម្រួល៖ ឡៃហ៊ាង
