ការចម្លងបញ្ជីលេខទូរសព្ទទៅកាន់ iPhone ថ្មី
- លើ iPhone ចាស់ ប្រាកដថាអ្នកបាន Login ចូលគណនី iCloud និងបានភ្ជាប់អ៊ីនធឺណិត។ ដើម្បីពិនិត្យមើល ចូលកម្មវិធី Settings នឹងឃើញឈ្មោះនិង Apple ID បញ្ជាក់ថាអ្នកបាន Login រួចរាល់។
- ត្រូវប្រាកដថា Sync contacts បានបើកដំណើរការ។ ចូលទៅកម្មវិធី Settings > ចុចលើ iCloud > ត្រង់ Contacts ប្រាកដថាមានពណ៌បៃតង។
- ត្រូវអូសចុះក្រោម ចុចលើ iCloud Backup ហើយប្រាកដថាវាបើកដំណើរការ > ចុចលើ Back Up Now។ ត្រូវរង់ចាំយូរបន្តិច អាស្រ័យលើល្បឿនអ៊ីនធឺណិត។
- អ្នកអាចរៀបចំប្រើទូរសព្ទថ្មី ដោយប្រើ iCloud backup បាន។ ខណៈពេលរៀបចំដំឡើង iPhone ត្រូវបញ្ចូល Apple ID។
- ជ្រើសរើស Backup ចុងក្រោយក្នុងបញ្ជី ហើយ Restore នឹងចាប់ផ្តើម។ រយៈពេលរង់ចាំអាស្រ័យលើល្បឿនអ៊ីនធឺណិត។
- ពេលការ Restore ចប់ ទូរសព្ទនឹងបិទបើក ហើយអ្នកអាចប្រើប្រាស់បាន។
ការចម្លងបញ្ជីលេខទូរសព្ទដោយប្រើ iCloud
បើអ្នករៀបចំទូរសព្ទថ្មីរួចរាល់ ហើយចង់ចម្លងបញ្ជីលេខទូរសព្ទ ដោយមិន Factory Reset ទូរសព្ទទាំងស្រុង។ អ្នកអាចធ្វើបានដោយប្រើ iCloud។
- Login ចូលគណនី iCloud ដូចគ្នា ហើយអាចប្រើអ៊ីនធឺណិតបាន។
លើ iPhone ចាស់ ចូលទៅកាន់ Settings > ចុចឈ្មោះនិង Apple ID > ចុចលើ iCloud > អូសចុះក្រោម ហើយជម្រើសសម្រាប់ Contacts បានបើកដំណើរការ។
- ពេលបញ្ជីលេខទូរសព្ទ Sync បានបើកដំណើរការ អូសចុះក្រោមត្រង់ iCloud Backup > ចុចលើ Back Up Now។
- លើ iPhone ថ្មី ចូលទៅកាន់ផ្នែក iCloud វិញក្នុងកម្មវិធី Settings ហើយប្រាកដថា Contact sync បានបើកដំណើរការ។
- ពេលបើកដំណើរការ អ្នកបើកកម្មវិធី Contacts > ចុចអូសចុះក្រោមដើម្បី Refresh។
រង់ចាំប៉ុន្មាននាទី Contacts ពី iPhone ចាស់នឹងបង្ហាញលើ iPhone ថ្មីអ្នក។
ការចម្លងបញ្ជីលេខទូរសព្ទដោយប្រើ iTunes
បើអ្នកមិនប្រើ iCloud អ្នកអាចប្រើ iTunes ដើម្បីចម្លង Contacts ពី iPhone មួយទៅកាន់ iPhone មួយបាន។
- ដោតភ្ជាប់ iPhone ចាស់ចូល PC ឬ Mac > បើកកម្មវិធី iTunes ជំនាន់ចុងក្រោយ
ជ្រើសរើស iPhone ពីក្នុង Menu bar ផ្នែកខាងឆ្វេង ចុចលើ info > ប្រាកដថា Sync Contacts បានបើកដំណើរការ។
- ចុចលើ Sync ក្នុងការ Sync iPhone និងរាល់បញ្ជីលេខទូរសព្ទជាមួយនឹង PC ឬ Mac។
- ពេលដំណើរការចប់ ដកទូរសព្ទចាស់ចេញ ហើយដោតភ្ជាប់ iPhone ថ្មី
- ក្នុងកម្មវិធី iTunes ជ្រើសរើស iPhone ពី Menu bar ផ្នែកខាងឆ្វេង > ចុចលើ info > ប្រាកដថា Sync Contacts បានបើកដំណើរការ
- អូសចុះក្រោមត្រង់ Menu ឈ្មោះ Advanced > ប្រាកដថា Contacts ត្រូវបានជ្រើសរើសក្រោម Menu មួយទៀត Replace information on this iPhone។ នេះនឹងលុបរាល់លេខទូរសព្ទថ្មីៗ អ្នកបានរក្សាទុក- -លើ iPhone និងជំនួសមកវិញនូវលេខទូរសព្ទបានពី PC ឬ Mac ដែលជារបស់ iPhone ចាស់។
- ចុច Sync ដើម្បីអនុវត្ត Settings និងចម្លង Contacts ទៅកាន់ iPhone ថ្មី រួចរង់ចាំ។
បើចៃដន្យ ទូរសព្ទអ្នកបាត់ ឬខូច អ្នកនៅមានឱកាស ករណីអ្នករៀបចំបើកដំណើរការ Back up បានត្រឹមត្រូវជាមួយ iCloud មួយ។ iPhone នឹងធ្វើការ Backup រាល់ពេលអ្នកដោតភ្ជាប់សាកថាមពល ពិតណាស់ត្រូវមានអ៊ីនធឺណិត។ ដូច្នេះ អ្នកអាចអនុវត្តការ Restore បញ្ជីលេខទូរសព្ទពី iPhone ចាស់តាមវិធីខាងលើបាន។បើអ្នកមិនមាន iCloud back up អ្នកប្រហែលជាមាន Back up ក្នុងកម្មវិធី iTunes ហើយអាចអនុវត្តតាមវិធីប្រើ iTunes បាន៕
ប្រភព៖ Macworld ប្រែសម្រួល៖ ឡៃហ៊ាង