ភ្នំពេញ ៖ ក្រុមអ្នកជំនាញឯកទេសខាងជំងឺភ្នែក បានទូន្មានដល់លោកអ្នកដែលប្រើឧបករណ៍បច្ចេកវិទ្យាខ្ពស់ជាប្រចាំ គួរហាត់ទម្លាប់សម្រាកតាមម៉ោង ដើម្បីបន្ថយសកម្មភាពភ្នែក និងកុំភ្លេចព្រិចភ្នែកជាប្រចាំ ដើម្បីរំញោចលទ្ធភាពលាបរំអិលរបស់ស្រទាប់ទឹកភ្នែក ។
ការចំណុះទៅលើឧបករណ៍បច្ចេកវិទ្យាខ្ពស់ កំពុងរំញោចស្ថានភាពជរាភាពនៅភ្នែករបស់ក្រុមមនុស្សវ័យក្មេង ជាពិសេសយុវវ័យ ដោយសារពួកគេមិនសូវព្រិចភ្នែក។ ឧបករណ៍បច្ចេកវិទ្យាខ្ពស់តាំងពី កុំព្យូទ័រ ទូរស័ព្ទ Tablet Notebook iWatch ជាដើម បណ្តាលឱ្យមនុស្សវ័យក្មេងជាច្រើននាពេលបច្ចុប្បន្ននេះជួបបញ្ហាអំពី ភ្នែក គឺភ្នែកត្រូវស្ងួត ។
ស្ថិតិរបស់មហាវិទ្យាល័យ មួយចំនួននៅអង់គ្លេស បង្ហាញថាយុវជនរាប់លាននាក់នៅអង់គ្លេសកំពុងកើតជំងឺស្ងួតភ្នែក បណ្តាលឱ្យភ្នែកធ្លាក់ទៅក្នុងស្ថានភាពរមាស់ ក្រហម ដោយសារពួកគេសម្លឹងជាប្រចាំទៅលើអេក្រង់កុំព្យូទ័រ ឬទូរស័ព្ទ ។
ក្រុមអ្នកជំនាញឯកទេសបានឱ្យដឹងបន្ថែមទៀតថា ជំងឺស្ងួតភ្នែកកំពុងកើនឡើងលើក្រុមមនុស្សយុវវ័យពេលប្រើប្រាស់ឧបករណ៍បច្ចេកវិទ្យាខ្ពស់ ខួរក្បាលរបស់មនុស្សម្នាក់ប្រមូលផ្តុំហួសកម្រិតទៅលើអេក្រង់ ដល់ថ្នាក់ភ្លេចព្រិចភ្នែក។ រឿងនេះវាមានឥទ្ធិពលទៅដល់ប្រព័ន្ធលាបរអិលរបស់ភ្នែក ។
តាមធម្មតាព្រិចភ្នែកពី ១២-១៥ដងក្នុងមួយនាទី ប៉ុន្តែអត្រានេះអាចថយចុះនៅត្រឹម៧ឬ៨ដងក្នុងមួយនាទី ពេលមនុស្សជក់តាមដានអេក្រង់កុំព្យូទ័រ។ ភ្លេចព្រិចភ្នែកនឹងជំរុញស្រទាប់ទឹកភ្នែកដែលជាស្រទាប់សារជាតិរំអិល ការពារផ្ទៃខាងក្រៅរបស់ភ្នែកធ្លាក់ក្នុងស្ថានភាពសកម្មភាពគ្មាន ប្រសិទ្ធភាព ។ ហើយមិនត្រឹមតែឈឺភ្នែកប៉ុណ្ណោះទេវាអាចរាលដាលដល់បញ្ហាក្បាលថែមទៀតផង។
