ជាអ្នកយាមដី មានកាំភ្លើងខ្លីសៀតចង្កេះយ៉ាងសង្ហា
29/01/2018
ខេត្តបាត់ដំបង ៖ ជនសង្ស័យ២នាក់ ត្រូវសមត្ថកិច្ចឃាត់ខ្លួន កាលពីវេលាម៉ោង០៨ និង៣០នាទីយប់ថ្ងៃទី២៨ មករា ពេលកំពុងធ្វើដំណើតាមផ្លូវត្រង់ចំណុចក្រុមទី០៣ ក្នុងភូមិភ្នំព្រឹក ឃុំភ្នំព្រឹក ស្រុកភ្នំព្រឹក ដែលពាក់ព័ន្ធនឹងការប្រើប្រាស់កាំភ្លើងខ្លី ដោយគ្មានច្បាប់អនុញ្ញាត ។
មន្ត្រីនគរបាលស្រុកភ្នំព្រឹកបានឲ្យដឹងថា ជនសង្ស័យទាំង២នាក់នោះមាន ១-ឈ្មោះឈី ឆៃហេង អាយុ៣២ឆ្នាំ រស់នៅភូមិសំពៅលូន ឃុំសំពៅលូន ស្រុកកោះធំ ខេត្តកណ្ដាល ជាអ្នកកាន់កាប់អាវុធ និង២-ឈ្មោះ ឌី ឌឿន អាយុ១៧ឆ្នាំ មានទីលំនៅភូមិចម្ការត្បែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ជាអ្នករួមដំណើរ ។ ជនសង្ស័យទាំង២នាក់ ស្នាក់នៅយាមដីឱ្យគេ នៅភូមិអូរឬស្សី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ ប៉ុន្តែត្រូវបានឃាត់ខ្លួនពេលកំពុងជិះម៉ូតូឆ្លងកាត់គោលដៅសមត្ថកិច្ចកំពុងត្រូតពិនិត្យអាវុធជាតិផ្ទុះពេលយប់។
លោកឧត្តមសេនីយត្រី ជេត វណ្ណនី ស្នងការរងខេត្តបានមានប្រសាស្ត្រថា កម្លាំងនគរបាលស្រុកភ្នំព្រឹកបានចេញល្បាត និងដាក់គោលដៅនៅផ្លូវ ដើម្បីត្រូតពិនិត្យជាត់ផ្ទុះពេលយប់ ទើបប្រទះជន២នាក់ខាងលើដែលកំពុងធ្វើដំណើរ។ លោកថា ពេលកាក់ត្រូតពិនិត្យ និងឆែកឆេរស្រាប់តែឃើញកាំភ្លើងខ្លី ហើយសួរនាំគ្មានតួនាទី និងគ្មានច្បាប់អនុញាតិ ទើបលោកស្នងការខេត្តបញ្ជាឲ្យឃាត់ខ្លួនទាំង២នាក់យកទៅសួរនាំតែម្ដងទៅ។ អាវុធខ្លីដែលសមត្ថកិច្ចដកហូតនោះម៉ាកឡុក មានគ្រាប់ចំនួន១៣គ្រាប់នៅក្នុងបង់ និងម៉ូតូ០១គ្រឿង ម៉ាកហុងដា ស្តុបពី ពណ៌ក្រហម ស្លាកលេខភ្នំពេញ 1BJ 3666។ លោកជេត វណ្ណនី បានបញ្ជាក់ថា ករណីនេះសមត្ថកិច្ចកំពុងសួរនាំ ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់ហើយ។
