ឃាត់ខ្លួនអ្នកញៀនថ្នាំ និងប្រើប្រាស់គ្រឿងញៀន៩នាក់
28/01/2018
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត ចូលរួមសហការជាមួយកម្លាំងអធិការដ្ឋាននគរបាលស្រុកក្រឡាញ់ និងកម្លាំងនគរបាលក្រុងសៀមរាប បានចុះបង្ក្រាបករណីជួញដូរ និងចាត់ចែងឱ្យប្រើប្រាស់ដោយខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនបាន ក្រុមញៀនថ្នាំចំនួន៩នាក់ នៅទីតាំង២ផ្សេងគ្នា ក្នុងខេត្តសៀមរាប រួចនាំយកសួរនៅការិយាល័យជំនាញ នៃស្នងការដ្ឋាននគរបាលខេត្ត ដើម្បីរៀបចំកសាងសំណុំរឿងបញ្ជូនទៅតុលាការ ក្នុងនោះម្នាក់បញ្ជូនទៅ មណ្ឌលកែប្រែ។ ហេតុការណ៍ឃាត់ខ្លួនក្រុមញៀនថ្នាំទាំង៨នាក់នៅទីតាំងផ្សេងគ្នា នោះធ្វើឡើងនៅ ថ្ងៃទី២៤ ខែមករា ឆ្នាំ២០១៨ ក្នុងខេត្តសៀមរាប។
តាមប្រភពពីកម្លាំងជំនាញ ដែលបានឃាត់ខ្លួន ជនសង្ស័យចំនួន០៩នាក់ នៅ២ទីតាំងផ្សេងគ្នា នោះមាន៖ទី១/ឈ្មោះ ញាន សុទ្ធ ភេទប្រុស អាយុ១៨ឆ្នាំ មុខរបរកម្មករលីស្រូវ ទីលំនៅភូមិ រំដួល ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ (ចាត់ចែង) ទី២/ ឈ្មោះ វ៉ាន់ ណយ ហៅ កុយ ភេទប្រុស អាយុ១៨ឆ្នាំ មុខរបរជាងម៉ូតូ ទីលំនៅភូមិគោកដូង ឃុំ កំពង់ថ្កូវ ស្រុកក្រឡាញ់ ខេត្តសៀមរាប (ជួញដូរ)មានសារធាតុញៀន ទី៣/ ឈ្មោះ វៀង វីន ភេទប្រុស អាយុ២០ឆ្នាំ មុខរបរធ្វើស្រែ ទីលំនៅភូមិទន្លាប់ ឃុំស្រណាល ស្រុកក្រឡាញ់ ខេត្តសៀមរាប (ចាត់ចែង) ទី៤/ឈ្មោះ មុំ វណ្ណណាក់ ភេទប្រុស អាយុ១៨ឆ្នាំ មុខរបរធ្វើស្រែទីលំនៅភូមិតាអំ ឃុំប្រាសាទ ស្រុក ព្រះនេត្រព្រះ ខេត្តបន្ទាយមានជ័យ(ចាត់ចែង)មានសារធាតុញៀន ទី៥/ ឈ្មោះ យឹម ចយ ហៅស៊ីង ភេទ ប្រុស អាយុ២២ឆ្នាំ មុខរបរគ្មានទីលំនៅភូមិតាអំ ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ (ចាត់ចែង)មានសារធាតុញៀន ទី៦/ឈ្មោះ រសៀល សុភារ៉ា ភេទប្រុស អាយុ១៩ឆ្នាំ មុខរបរ គ្មានទី លំនៅភូមិក្រប៉ៅ ឃុំក្រឡាញ់ ស្រុកក្រឡាញ់ ខេត្ត សៀមរាប(ចាត់ចែង)មានសារធាតុញៀន។
ទី៧/ ឈ្មោះ ឆោម ឆៃ ហៅប៉យ ភេទប្រុស អាយុ២៣ឆ្នាំ មុខរបរគ្មាន ទីលំនៅភូមិសន្ថន ឃុំសំបួរ ស្រុកក្រឡាញ់ ខេត្តសៀមរាប (ចាត់ចែង) មានសារធាតុញៀន ទី៨/ឈ្មោះ យ៉ែម សុភ័ក្ត្រ ភេទប្រុស អាយុ១៣ឆ្នាំ មុខរបរគ្មាន ទីលំនៅភូមិខ្សាច់ ឃុំកំពង់ថ្កូវ ស្រុកក្រឡាញ់ ខេត្តសៀមរាប និងទី៩/ឈ្មោះ សុង ប៉ូរ៉ង់ ភេទប្រុស អាយុ២៣ឆ្នាំ មុខរបរជាងបិតស្កុតម៉ូតូ ទីលំនៅភូមិត្របែក ឃុំដំដែក ស្រុកសូទ្រនិគម ខេត្ត សៀមរាប។ ក្រោយពីកម្លាំងឃាត់ខ្លួនបានជនសង្ស័យទាំង៩នាក់ ក្នុងនោះ ដកហូតបានវត្ថុតាងរួមមាន៖ ទូរស័ព្ទដៃ០៦គ្រឿង និងឧបករណ៍ប្រើប្រាស់គ្រឿងញៀនមួយចំនួន។ បច្ចុប្បន្ន ជនសង្ស័យ និងវត្ថុតាងទាំង៩នាក់ ត្រូវបានកម្លាំងជំនាញរៀបចំកសាងសុំណុំរឿងបញ្ជូនខ្លួនទៅសាលាដំបូងខេត្ត ចំនួន៨នាក់ និងម្នាក់ទៀតបញ្ជូនទៅមណ្ឌលកែប្រែខេត្តដើម្បីចាត់ការតាមផ្លូវច្បាប់។
