មានមូលហេតុជាច្រើនដែលបណ្ដាលឲ្យកើតជំងឺឈឺចាប់ ក្រហាយ ឬស្ពឹកនេះ ប៉ុន្តែមូលហេតុទូទៅបំផុត គឺការលៀនចេញនៃទ្រនាប់ឆ្អឹងកងខ្នង និងការដុះឆ្អឹងខុសប្រក្រតីលើឆ្អឹងកងខ្នង ហើយភាគច្រើនអាចជាសះស្បើយទៅវិញដោយខ្លួនឯង តែក៏អាចរងផលវិបាក ដូចជា បាត់បង់អារម្មណ៍ឈឺចាប់ (ស្ពឹក) ជើងចាប់ផ្ដើមទន់ខ្សោយ និងការបាត់បង់មុខងារពោះវៀន ឬប្លោកនោម។
- អាយុកាន់តែច្រើន
- ធាត់លើសទម្ងន់
- អ្នកធ្វើការងារដែលទាមទារឲ្យបង្វិលខ្នង លើករបស់ធ្ងន់ៗ ឬបើកបររថយន្តរយៈពេលយូរ អង្គុយយូរពេក
- អ្នកជំងឺទឹកនោមផ្អែម ដែលការកើនឡើងនៃជាតិស្ករក្នុងឈាមធ្វើឲ្យខូចខាតដល់សរសៃប្រសាទ
ទោះបីការឈឺចាប់ទាក់ទងនឹងសរសៃប្រសាទ អាចមានលក្ខណៈធ្ងន់ធ្ងរក៏ដោយ តែភាគច្រើនមិនត្រូវការព្យាបាលដោយវះកាត់ឡើយ ដែលព្យាបាលក្នុងពេល ២-៣ សប្តាហ៍ប៉ុណ្ណោះ លុះត្រាតែរងការខូចខាតធ្ងន់ធ្ងរដូចការបាត់បង់អារម្មណ៍ឈឺចាប់ (ស្ពឹក) ជាដើម។
បែបនេះ បើអ្នកឈឺចុកចាប់តាមកន្លែងរៀបរាប់ខាងលើចាប់ពីមួយអាទិត្យឡើងទៅ ហើយវានៅបន្តឈឺខ្លាំងឡើង អ្នកត្រូវប្រញាប់ទៅរកគ្រូពេទ្យជាបន្ទាន់ ជៀសវាងរាលដាលកាន់តែខ្លាំង។
ដើម្បីចៀសវាងជំងឺនេះ អ្នកត្រូវ៖
- ឈប់ជក់បារី ព្រោះឆ្អឹងកងឆាប់ខូច
- ហាត់ប្រាណឲ្យបានទៀងទាត់ដើម្បីពង្រឹងសាច់ដុំខ្នង និងពោះ ដែលអាចជួយទ្រទ្រង់ឆ្អឹងកង
- ដេក ដើរ ឈរ ឬអង្គុយជាមួយឥរិយាបថល្អ ព្រោះជួយបន្ថយសម្ពាធលើឆ្អឹងកងខ្នង
- ចៀសវាងការអង្គុយយូរពេក
ប្រភព៖ www.healthwise-digest.com