ភ្នំពេញ៖ ក្នុងគោលបំណងចង់ឃើញកុមារមានសុខភាពល្អ ជាពិសេសចង់ឃើញកុមារមានឱកាសបានចូលរៀនគ្រប់ៗគ្នាគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី នៅព្រឹក ថ្ងៃទី៣ ខែមករា ឆ្នាំ២០១៨នេះ បាននាំយកប្រាក់បរិច្ចាគសរុបចំនួន ១៨លានរៀល ប្រគល់ជូនតំណាងមន្ទីរពេទ្យគន្ធបុប្ផា។
លោក ណាង គីណាល់ នាយកប្រតិបត្តិទីផ្សារ និងទំនាក់ទំនង នៃ អេ អឹម ខេ បានមានប្រសាសន៍ ឲ្យដឹងនៅក្រោយពិធីប្រគល់ថវិកាជូនដល់មន្ទីរពេទ្យគន្ធបុប្ផាថា តាមរយៈការផ្តល់សេវាមីក្រូហិរញ្ញវត្ថុសមស្របនិងឋិតថេរអេ អឹម ខេ មានគោលដៅសំខាន់ពីរដែលត្រូវសម្រេចបាន គឺផ្នែកហិរញ្ញវត្ថុនិងសង្គម។ ជាក់ស្តែងក្នុងឆ្នាំ២០១៧កន្លងទៅ អេ អឹម ខេ បានចូលរួមលើកកម្ពស់ការងារសង្គមជាច្រើនកន្លងមក ដោយការងារទាំងនោះរួមមាន៖ ចូលរួមគាំទ្រគម្រោងអង្គការស្នាមញញឹមកម្ពុជា ដើម្បីធ្វើការវះកាត់មាត់ឆែប ក្រអូមឆែប មាត់ធ្មេញ និងពិការមុខមាត់ ផ្សេងៗដល់កុមារកម្ពុជាដោយឥតគិតថ្លៃ និងចូលរួមគាំទ្រឧបត្ថម្ភថវិកាដល់និស្សិតក្រីក្រនៃវិទ្យាស្ថានបច្ចេកវិទ្យាកម្ពុជា និងចូលរួមគាំទ្រកម្មវិធីជើងឯកនិយាយភាសាខ្មែរជាសាធារណៈនិងកម្មវិធីសង្គមផ្សេងៗជាច្រើនទៀត។
អេ អឹម ខេ គឺជាគ្រឹះស្ថានមីក្រូហិរញ្ញវត្ថុដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ គិតត្រឹមខែវិច្ឆិកាឆ្នាំ២០១៧ អេ អឹម ខេ មានបុគ្គលិកសរុបចំនួនជិត២.៥០០នាក់ អតិថិជនចំនួនជិត៦៨ម៉ឺននាក់ ជាមួយនឹងផលប័ត្រប្រាក់កម្ចីជាង២០៥លានដុល្លារអាមេរិក និងមានការិយាល័យប្រតិបត្តិការចំនួន១៥០កន្លែងនិងមានភ្នាក់ងារជាង៣.០០០កន្លែង នៅទូទាំងប្រទេស៕ ប្រភព៖ BayonTV
លោក ណាង គីណាល់ នាយកប្រតិបត្តិទីផ្សារ និងទំនាក់ទំនង នៃ អេ អឹម ខេ បានមានប្រសាសន៍ ឲ្យដឹងនៅក្រោយពិធីប្រគល់ថវិកាជូនដល់មន្ទីរពេទ្យគន្ធបុប្ផាថា តាមរយៈការផ្តល់សេវាមីក្រូហិរញ្ញវត្ថុសមស្របនិងឋិតថេរអេ អឹម ខេ មានគោលដៅសំខាន់ពីរដែលត្រូវសម្រេចបាន គឺផ្នែកហិរញ្ញវត្ថុនិងសង្គម។ ជាក់ស្តែងក្នុងឆ្នាំ២០១៧កន្លងទៅ អេ អឹម ខេ បានចូលរួមលើកកម្ពស់ការងារសង្គមជាច្រើនកន្លងមក ដោយការងារទាំងនោះរួមមាន៖ ចូលរួមគាំទ្រគម្រោងអង្គការស្នាមញញឹមកម្ពុជា ដើម្បីធ្វើការវះកាត់មាត់ឆែប ក្រអូមឆែប មាត់ធ្មេញ និងពិការមុខមាត់ ផ្សេងៗដល់កុមារកម្ពុជាដោយឥតគិតថ្លៃ និងចូលរួមគាំទ្រឧបត្ថម្ភថវិកាដល់និស្សិតក្រីក្រនៃវិទ្យាស្ថានបច្ចេកវិទ្យាកម្ពុជា និងចូលរួមគាំទ្រកម្មវិធីជើងឯកនិយាយភាសាខ្មែរជាសាធារណៈនិងកម្មវិធីសង្គមផ្សេងៗជាច្រើនទៀត។
អេ អឹម ខេ គឺជាគ្រឹះស្ថានមីក្រូហិរញ្ញវត្ថុដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ គិតត្រឹមខែវិច្ឆិកាឆ្នាំ២០១៧ អេ អឹម ខេ មានបុគ្គលិកសរុបចំនួនជិត២.៥០០នាក់ អតិថិជនចំនួនជិត៦៨ម៉ឺននាក់ ជាមួយនឹងផលប័ត្រប្រាក់កម្ចីជាង២០៥លានដុល្លារអាមេរិក និងមានការិយាល័យប្រតិបត្តិការចំនួន១៥០កន្លែងនិងមានភ្នាក់ងារជាង៣.០០០កន្លែង នៅទូទាំងប្រទេស៕ ប្រភព៖ BayonTV