ភ្នំពេញ៖ មន្ត្រីជាន់ខ្ពស់នៃរដ្ឋាភិបាលកម្ពុជា បានបញ្ជាក់ថា តម្រូវការសាច់សត្វមាននិន្នាការកើនឡើងជាលំដាប់ជាមួយកំណើនប្រាក់ចំណូល កំណើនប្រជាពលរដ្ឋនិងកំណើនភ្ញៀវទេសចរអន្ដរជាតិ ដែលអាចប៉ាន់ប្រមាណថា នៅកម្ពុជាមានតម្រូវការសាច់សត្វប្រមាណពី ២៩ទៅ៣០ម៉ឺនតោននៅក្នុង១ឆ្នាំ រហូតដល់ឆ្នាំ២០២០ខាងមុខ។
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទឯកឧត្តមវេង សាខុនបានមានប្រសាសន៍ឲ្យដឹងក្នុងវេទិកា ស្តីពីកសិកម្ម រុក្ខាប្រមាញ់ និងនេសាទនាព្រឹកថ្ងៃទី៣ មករានេះថា បច្ចុប្បន្នចំនួនគោសរុបមានការថយចុះ ហើយការរៀបចំដីកសិកម្មប្រមាណ៩៣% ត្រូវជំនួសដោយគ្រឿងយន្តកសិកម្ម។ ប៉ុន្តែ ផលិតកម្មជ្រូកមានកំណើន២,៩% និងផលិតកម្មបក្សីមានកំណើន៥,៤%។ ដោយឡែកផលិតកម្មសត្វទាំងលក្ខណៈគ្រួសារ និងពាណិជ្ជកម្មនៅកម្ពុជាមានការវិវឌ្ឍគួរឲ្យកត់សម្គាល់ ទាំងបរិមាណសត្វ និងបែបផែនផលិតកម្ម។
ឯកឧត្ដមបន្តថា ពិតណាស់ថាយើងមិនទាន់អាចធានាបានទេ ចំពោះការផ្គត់ផ្គង់ និងតម្រូវការសាច់បានទាំងស្រុងនោះទេ ជាពិសេសសាច់មានគុណភាពខ្ពស់។ ស្ថានភាពនេះបញ្ជាក់យ៉ាងច្បាស់ថា តម្រូវការសាច់សត្វមានគុណភាពខ្ពស់ បាននិងកំពុងជំរុញឲ្យមានការផ្លាស់ប្ដូរ បែបផែនផលិតកម្មសត្វ ពីការចិញ្ចឹមសម្រាប់ម្ហូបអាហារគ្រួសារ ទៅជាផលិតកម្មសម្រាប់ពាណិជ្ជកម្មតាមតម្រូវទីផ្សារវិញ។
ផលិតផលសរុបក្នុងស្រុកជាមធ្យមសម្រាប់មនុស្សម្នាក់ៗកើនពី៧៦០ដុ ល្លារក្នុងឆ្នាំ២០០៨ ដល់ជាង១៤០០ដុល្លារអាមេរិកក្នុងឆ្នាំ២០១៧ ដែលធ្វើឲ្យកម្ពុជាបានឆ្លងផុតពីចំណាត់ថ្នាក់ជា ប្រទេសចំណូលទាប ក្លាយជាប្រទេសមានចំណូលមធ្យមកម្រិតទាប ហើយកំពុងខិតខំសម្រេចឲ្យបាននូវ ទស្សនវិស័យធំៗ នៃការអភិវឌ្ឍបន្តទៀត៕ ប្រភព៖ BayonTV
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទឯកឧត្តមវេង សាខុនបានមានប្រសាសន៍ឲ្យដឹងក្នុងវេទិកា ស្តីពីកសិកម្ម រុក្ខាប្រមាញ់ និងនេសាទនាព្រឹកថ្ងៃទី៣ មករានេះថា បច្ចុប្បន្នចំនួនគោសរុបមានការថយចុះ ហើយការរៀបចំដីកសិកម្មប្រមាណ៩៣% ត្រូវជំនួសដោយគ្រឿងយន្តកសិកម្ម។ ប៉ុន្តែ ផលិតកម្មជ្រូកមានកំណើន២,៩% និងផលិតកម្មបក្សីមានកំណើន៥,៤%។ ដោយឡែកផលិតកម្មសត្វទាំងលក្ខណៈគ្រួសារ និងពាណិជ្ជកម្មនៅកម្ពុជាមានការវិវឌ្ឍគួរឲ្យកត់សម្គាល់ ទាំងបរិមាណសត្វ និងបែបផែនផលិតកម្ម។
ឯកឧត្ដមបន្តថា ពិតណាស់ថាយើងមិនទាន់អាចធានាបានទេ ចំពោះការផ្គត់ផ្គង់ និងតម្រូវការសាច់បានទាំងស្រុងនោះទេ ជាពិសេសសាច់មានគុណភាពខ្ពស់។ ស្ថានភាពនេះបញ្ជាក់យ៉ាងច្បាស់ថា តម្រូវការសាច់សត្វមានគុណភាពខ្ពស់ បាននិងកំពុងជំរុញឲ្យមានការផ្លាស់ប្ដូរ បែបផែនផលិតកម្មសត្វ ពីការចិញ្ចឹមសម្រាប់ម្ហូបអាហារគ្រួសារ ទៅជាផលិតកម្មសម្រាប់ពាណិជ្ជកម្មតាមតម្រូវទីផ្សារវិញ។
ផលិតផលសរុបក្នុងស្រុកជាមធ្យមសម្រាប់មនុស្សម្នាក់ៗកើនពី៧៦០ដុ ល្លារក្នុងឆ្នាំ២០០៨ ដល់ជាង១៤០០ដុល្លារអាមេរិកក្នុងឆ្នាំ២០១៧ ដែលធ្វើឲ្យកម្ពុជាបានឆ្លងផុតពីចំណាត់ថ្នាក់ជា ប្រទេសចំណូលទាប ក្លាយជាប្រទេសមានចំណូលមធ្យមកម្រិតទាប ហើយកំពុងខិតខំសម្រេចឲ្យបាននូវ ទស្សនវិស័យធំៗ នៃការអភិវឌ្ឍបន្តទៀត៕ ប្រភព៖ BayonTV