ខ្សែបម្រើវ័យ២៤ឆ្នាំបានចុះកិច្ចសន្យារយៈពេល៥ឆ្នាំកន្លះជាមួយក្លឹបជើងឯកចាស់ Premier League ដោយពាក់អាវលេខ៨ដ៏ល្បីល្បាញរបស់វីរបុរស Frank Lampard និង Oscar។
Barkley បានចំណាយពេល១៣ឆ្នាំរួមរស់ជាមួយ Everton ជាក្លឹបដែលគេចូលហាត់ឲ្យថ្នាលយុវជនកាលពី២០០៥ ក្នុងវ័យ១១ឆ្នាំ។ កីឡាករអន្តរជាតិអង់គ្លេសលេងបាន១៥០ប្រកួត និងស៊ុតបញ្ចូលទី២១គ្រាប់ឲ្យក្លឹបមានមូលដ្ឋាននៅ Goodison Park និងលេងបាន២២ប្រកួតដែរឲ្យជម្រើសជាតិ៕