លោក Sam Allardyce
ក្នុងសន្និសីទសារព័ត៌មាន លោក Allardyce បាននិយាយថា៖ "ពួកយើងបានព្រមព្រៀងក្នុងការទិញ Tosun ហើយ។ នៅពេលនេះ យើងកំពុងតែចរចាកុងត្រាកីឡាករ"។
បើគ្មានអ្វីប្រែប្រួលទេ Tosun គឺជាកីឡាករទីមួយ ដែលលោក Allardyce បាននាំចូល បន្ទាប់ពីលោកបានក្លាយជាអ្នកចាត់ការក្លឹប Everton កាលពីខែវិច្ឆិកា កន្លងទៅ។
សូមបញ្ជាក់ផងដែរថា Tosun បានបង្ហាញទម្រង់លេងបានយ៉ាងល្អក្នុងរដូវកាលនេះ ដោយបានជួយឲ្យក្លឹប Besiktas ឡើងដល់វគ្គ ១៦ក្រុមចុងក្រោយ ក្នុងក្របខ័ណ្ឌ Champions League ដែលក្លឹបនេះត្រូវប៉ះជាមួយ Bayern Munich នៅខែកុម្ភៈខាងមុខ។
ថ្លែងពី Everton វិញ ក្លឹបមួយនេះបានចាប់ផ្ដើមរដូវកាលនេះមិនល្អទេ ដោយបានចាញ់ជាច្រើនប្រកួត បើទោះជាចាយអស់ ១០០លានផោនជាង ក្នុងការនាំចូលកីឡាករថ្មីៗកាលពីទីផ្សារដោះដូររដូវក្ដៅយ៉ាងណាក៏ដោយ។ ទោះជាយ៉ាងណា ក្រោយលោក Allardyce ក្លាយជាអ្នកចាត់ការ ក្លឹបមួយនេះហាក់ឡើងទម្រង់ឡើងវិញ ហើយកំពុងឈរលេខ ៩ ក្នុងលីគនាពេលបច្ចុប្បន្ន៕
