អតីតខ្សែប្រយុទ្ធកំពូលរបស់ពិភពលោក គឺជាស្ដេចបាល់ទាត់ដ៏ល្បីឈ្មោះជាង១០ឆ្នាំមុន ធ្លាប់ជួយប្រេស៊ីលរងជើងឯក World Cup ឆ្នាំ១៩៩៨ និងឈ្នះ World Cup ឆ្នាំ២០០២។ Ronaldo ទទួលស្គាល់ Messi និង Cristiano Ronaldo នៅតែជាគូប្រជែងដ៏ធំផ្ដាច់គេនាបាល់ទាត់សម័យទំនើបនេះ តែថាបើធៀបនឹងសម័យលោកវិញពួកគេមិនងាយស្រួលដូចបច្ចុប្បន្នទេ។
“នៅសម័យរបស់ខ្ញុំ មានការប្រជែងគ្នាខ្ពស់ជាង និងខ្លាំងជាង។ ខ្ញុំត្រូវការប្រជែងគ្នាធ្វើជាកីឡាករកំពូលរបស់ពិភពលោកជាមួយកីឡាករឆ្នើមៗជាច្រើនមានដូចជា Zinedine Zidane, Rivaldo, Luis Figo, និង Ronaldinho ជាដើម ដូច្នេះគ្រានោះគឺលំបាកណាស់៕
