ពិតជារឿងគួរឲ្យចាប់អារម្មណ៍ត្បិតតែខានចូលទីលានយូរ តែការត្រលប់របស់ខ្សែប្រយុទ្ធអេស្ប៉ាញមួយនេះនៅតែល្អ ដោយបានទាត់បញ្ចូលទីមួយគ្រាប់ ចូលរួមចំណែកជួយឲ្យ Atletico ឈ្នះក្រៅដីលើក្រុមមកពីលីគទីបីក្នុងលទ្ធផល ៤-០។ ៣គ្រាប់ផ្សេងទៀតរបស់ Atletico រកបានដោយ Diego Godin , Fernando Torres និង Antoine Griezmann។ ក្នុងការប្រកួតនេះ Costa ក៏បានប៉ះទង្គិចជាមួយកីឡាករក្រុម Lleida បន្តិចបន្តួចផងដែរ។
ក្រុមទាំងពីរនឹងត្រូវជួបគ្នាជើងទីពីរ នៅថ្ងៃទី ១០ ខែ មករា ឆ្នាំ ២០១៨ ខាងមុខ ក្នុងដី Atletico វិញ។ Costa បានដើរចេញពីទីលានរយៈពេល២២១ថ្ងៃ បន្ទាប់តោខៀវ Chelseaលែងត្រូវការ។ រូបគេក៏បានទៅសំងំទៅហ្វឹកហាត់តែម្នាក់ឯងនៅប្រទេសប្រេស៊ីល។ នៅខែ កញ្ញា ឆ្នាំ ២០១៧ កីឡាករវ័យ២៩ឆ្នាំក៏បានសម្រេចចិត្តមកចូលរួមឲ្យក្លឹបចាស់វិញ Atletico៕
