រាជធានីភ្នំពេញ ៖ បុរសពីរនាក់បានចេញដើរលេងបានជិះម៉ូតូទៅផ្ទះវិញក្នុងល្បឿនលឿនជ្រុលទៅបុកនឹងរបាំងថ្មដែលគេទុករៀបសួនច្បារពុះចែកទ្រូងផ្លូវបណ្តាលឱ្យបុរសជាអ្នកបើកម៉ូតូដួលហោះផ្លោងបោកក្បាលទៅផ្លូវហូរឈាមស្លាប់នៅកន្លែងកើតហេតុ ចំណែកអ្នកអង្គុយខាងក្រោយរងរបួសធ្ងន់ ហេតុការណ៍នេះបានកើតឡើងនៅវេលាម៉ោង១០យប់ ថ្ងៃទី០២ ខែមករា ឆ្នាំ២០១៨ តាមបណ្តោយផ្លូវ២១៧ ភូមិព្រែកជ្រៃ សង្កាត់ស្ពាន់ថ្ម ខណ្ឌដង្កោ ។
សពជនរងគ្រោះមានឈ្មោះ មុត ធួន ភេទប្រុស អាយុ២១ឆ្នាំ មុខរបរនៅផ្ទះ មានស្រុកកំណើតនៅភូមិដើមធ្លក ឃុំដើមស្លែង ស្រុកសំរោង ខេត្តតាកែវ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញបុរស២ពីរនាក់មិនដឹងថាចេញគោលបំណងទៅណានោះទេគឺបានជិះម៉ូតូម៉ាក MSX ពណ៌ខ្មៅ អត់មានស្លាកលេខ បានធ្វើដំណើរតាមផ្លូវ ២១៧ ទិសដៅពីជើងទៅត្បូងក្នុងល្បឿនលឿន ខណៈមកដល់ចំណុចកើតហេតុដែលជាផ្លូវងងឹតបណ្តាលឱ្យម៉ូតូជ្រុលទៅបុកនឹងរបាំងថ្មដែលគេទុករៀបសួនច្បារពុះចែកផ្លូវដែលគេទុកចោលនៅលើផ្លូវហើយអត់មានភ្លើងសញ្ញាសំគាល់ត្រឹមត្រូវផងនោះបណ្តាលឱ្យម៉ូតូដួល និងធ្វើឱ្យអ្នកបើកម៉ូតូដួលហោះផ្លោងបោកក្បាលទៅផ្លូវហូរឈាមស្លាប់នៅកន្លែងកើតហេតុគួរឱ្យអាណោចអាធម៌ ។
ចំណែកអ្នកអង្គុយខាងក្រោយរងរបួសធ្ងន់ ហើយពេលនោះដែរក៏ស្រាប់តែម៉ូតូម៉ាក MSX ពណ៌ខ្មៅ ពាក់ស្លាកលេខ តាកែវ ១J-៥០៧៩ មួយគ្រឿងទៀតដែលជិះដោយបុរសពីរនាក់បានជ្រុលទៅបុកបន្ថែមទៀតពីក្រោយតែរងរបួសស្រាល ។
ដោយឡែក តាមសម្តីរបស់មិត្តភ័ក្តជនរងគ្រោះដែលស្លាប់បានឱ្យដឹងថា មុនពេលកើតហេតុពួកគេមានគ្នាចំនួន៤នាក់បានជិះម៉ូតូម៉ាក MSX ចំនួនពីរគ្រឿងមកដើរលេងនៅក្រុងភ្នំពេញរួចហើយ គោលបំណងត្រលប់ទៅផ្ទះវិញនៅខេត្តតាកែវតែជិះមកដល់ចំណុចកើតហេតុក៏ស្រាប់តែម៉ូតូដែលជនរងគ្រោះស្លាប់បានជិះទៅបុកនឹងថ្មដែលគេទុករៀបសួនច្បារពុះចែកផ្លូវបណ្តាលឱ្យដួលបោកក្បាលអ្នកបើកម៉ូតូនៅនឹងផ្លូវហូរឈាមជោកជាំពេលនោះម៉ូតូរបស់ពួកគេមួយគ្រឿងទៀតមកពីក្រោយចាប់ហ្វ្រាំងមិនទាន់ក៏ជ្រុលទៅបុកបន្ថែមទៀតបណ្តាលឱ្យរងរបួសធ្ងន់២នាក់ត្រូវបានបានរថយន្តសង្គ្រោះបានមកដឹកយកទៅសង្គ្រោះនៅមន្ទីពេទ្យ ចំណែករូបគេរងរបួសស្រាល រីឯអ្នកបើកម៉ូតូដែលបុកថ្មនោះគឺបានស្លាប់នឹងកន្លែងកើតហេតុ