ខេត្តសៀមរាប ៖ យោងប្រភពពីអគ្គនាយកដ្ឋានផ្សព្វផ្សាយអប់រំ នាព្រឹកថ្ងៃទី០៣ មករា ឱ្យដឹងថា ទារិកាម្នាក់មានអាយុ២ខែបានស្លាប់ ដោយសារម្តាយស្រវឹងខួបច្របាច់.កនិងបិទច្រមុះ រហូតដាច់ខ្យល់ កើតឡើងកាលពីព្រឹកថ្ងៃទី២ មករា ស្ថិតនៅចំណុចភូមិច្បារលើ ឃុំចាន់ស ស្រុកសូទ្រនិគម ខេត្តសៀមរាប ហើយម្តាយរូបនោះក៏ត្រូវឃាត់ខ្លួនភ្លាមៗដែរ ។
ប្រភពបន្តថា ស្ត្រីជាម្តាយខាងលើ មានឈ្មោះស៊ុម ស៊ីណូន អាយុ៣៨ឆ្នាំ ។ រីឯកូនកូនស្រីដែលស្លាប់ឈ្មោះកើន ស្រីនីន អាយុទើប២ខែ រស់នៅក្នុងភូមិកើតហេតុខាងលើ។
ប្រភពដដែលបន្តថា ស្ត្រីម្តាយជាមនុស្សស្រវឹងសារខួបក្រោយត្រូវប្តីរត់ចោល កាលពីអំឡុងខែមិថុនា ឆ្នាំ២០១៧ ដោយទុកកូន៣នាក់នៅក្នុងបន្ទុកស្ត្រីខាងលើនេះ ។ ការដែលប្តីរត់ចោលនេះ គឺដោយសារតែមកពីប្រពន្ធតែងតែស្រវឹងស្រានេះតែម្តង ។
បើតាមការអះអាងអ្នកជិតខាងវិញថា ម្តាយរូបនេះផឹកស្រាគ្មានម៉ោងស្វាងទេ គឺរាល់ថ្ងៃតែម្តង ដែលអាចប៉ះពាល់ដល់សតិទៅហើយ ទើបសម្លាប់កូនឯងបែបនេះ ។