លីប៊ី៖ ជនអន្តោប្រវេសន៍ខុសច្បាប់ជាង ១០០នាក់មកពីប្រទេសហ្កំប៊ី ត្រូវបានបញ្ជូនទៅកាន់ប្រទេសកំណើតរបស់ពួកគេវិញ ដោយចេញដំណើរពីអាកាសយានដ្ឋានមីស្រាតានៃប្រទេសលីប៊ី ហើយដែលនេះជាផ្នែកមួយនៃកម្មវិធីធ្វើមាតុភូមិនិវត្តន៍ដោយស្ម័គ្រចិត្ត របស់អង្គការទេសសន្ទរប្រវេសន៍អន្តរជាតិហៅកាត់ IOM។
កម្មវិធីនេះបានដឹកជញ្ជូនក្រុមអន្តោប្រវេសន៍ខុសច្បាប់ជាច្រើន ដែលបានបញ្ចប់ការរស់នៅក្នុងប្រទេសលីប៊ី តាមជើងហោះហើរត្រឡប់ទៅកាន់ប្រទេសកំណើត ដើម្បីបន្ធូរបន្ថយបន្ទុកណែនចង្អៀតយ៉ាងខ្លាំង នៅតាមមជ្ឈមណ្ឌលឃុំឃាំងនានាក្នុងប្រទេសលីប៊ី។ ជនអន្តោប្រវេសន៍ហ្កំប៊ីត្រូវបានបញ្ជូន តាមយន្តហោះទៅកាន់ទីក្រុងមីស្រាតាចេញមកពីតំបន់ហ្សាវីយ៉ា និងតំបន់ហ្សូវ៉ារ៉ា ជាទីក្រុងពីរនៅភាគខាងលិចប្រទេសលីប៊ី ដែលបន្តដំណើរឡើងលើយន្តហោះមួយគ្រឿង ត្រឡប់ទៅកាន់រដ្ឋធានី Banjul ក្នុងប្រទេសហ្កំប៊ី។ IOM ជាទីភ្នាក់ងារអន្តោប្រវេសន៍អង្គការសហប្រជាជាតិ បង្កើនកម្រិតនៃការដឹកជញ្ជូនក្រុមអន្តោប្រវេសន៍តាមជើងហោះហើរ ទៅកាន់ប្រទេសរបស់ពួកគេវិញចេញពីប្រទេសលីប៊ី ហើយការជម្លៀសនេះឡើងទៅដល់ ១ម៉ឺន ៥ពាន់នាក់ក្នុងដំណាច់ឆ្នាំ២០១៧៕ ប្រភព៖ BayonTV
កម្មវិធីនេះបានដឹកជញ្ជូនក្រុមអន្តោប្រវេសន៍ខុសច្បាប់ជាច្រើន ដែលបានបញ្ចប់ការរស់នៅក្នុងប្រទេសលីប៊ី តាមជើងហោះហើរត្រឡប់ទៅកាន់ប្រទេសកំណើត ដើម្បីបន្ធូរបន្ថយបន្ទុកណែនចង្អៀតយ៉ាងខ្លាំង នៅតាមមជ្ឈមណ្ឌលឃុំឃាំងនានាក្នុងប្រទេសលីប៊ី។ ជនអន្តោប្រវេសន៍ហ្កំប៊ីត្រូវបានបញ្ជូន តាមយន្តហោះទៅកាន់ទីក្រុងមីស្រាតាចេញមកពីតំបន់ហ្សាវីយ៉ា និងតំបន់ហ្សូវ៉ារ៉ា ជាទីក្រុងពីរនៅភាគខាងលិចប្រទេសលីប៊ី ដែលបន្តដំណើរឡើងលើយន្តហោះមួយគ្រឿង ត្រឡប់ទៅកាន់រដ្ឋធានី Banjul ក្នុងប្រទេសហ្កំប៊ី។ IOM ជាទីភ្នាក់ងារអន្តោប្រវេសន៍អង្គការសហប្រជាជាតិ បង្កើនកម្រិតនៃការដឹកជញ្ជូនក្រុមអន្តោប្រវេសន៍តាមជើងហោះហើរ ទៅកាន់ប្រទេសរបស់ពួកគេវិញចេញពីប្រទេសលីប៊ី ហើយការជម្លៀសនេះឡើងទៅដល់ ១ម៉ឺន ៥ពាន់នាក់ក្នុងដំណាច់ឆ្នាំ២០១៧៕ ប្រភព៖ BayonTV