បាល់ទាត់៖ បន្ទាប់ពីការពារតំណែងជើងឯកលីហ្គកំពូលកម្ពុជាឆ្នាំ២០១៧ បានសម្រេចកាលពីចុងសប្ដាហ៍កន្លងទៅ ក្រុមបាល់ទាត់បឹងកេតអែហ្វស៊ីនឹងធ្វើការផ្លាស់ប្ដូរគ្រូបង្វឹកថ្មី ដើម្បីដឹកនាំឆ្ពោះទៅចូលរួមការប្រកួតពានរង្វាន់ក្លឹបបាល់ទាត់ជើងឯកអាស៊ី AFC Cup 2018 វគ្គជម្រុះពូលF នាខែកុម្ភៈខាងមុខ។
លោក ហៅ សុជាតិ ដែលទើបបង្កើតកំណត់ត្រាថ្មីជូនខ្លួនឯង ក្រោយក្លាយពីគ្រូជំនួយមកដឹកនាំក្រុមបឹងកេត លើកពានលីហ្គកំពូលកម្ពុជាលើកដំបូងបានថ្លែងថា លោកមិនអាចដឹកនាំបឹងកេតចូលរួមប្រកួតពានរង្វាន់ដ៏ធំខាងលើបានទេ ដោយសារសហព័ន្ធកីឡាបាល់ទាត់អាស៊ី តម្រូវឲ្យគ្រូបង្វឹកចូលរួមត្រូវមានសញ្ញាប័ត្រកម្រិត A ខណៈបច្ចុប្បន្នលោកកំពុងកាន់សញ្ញាប័ត្រកម្រិត B នៅឡើយ។ ជុំវិញការផ្លាស់ប្ដូរគ្រូបង្វឹកថ្មីនេះដែរនៅព្រឹកថ្ងៃទី០២ ខែមករានេះ លោក បែ មករា អ្នកចាត់ការក្រុមបឹងកេតបានបញ្ជាក់ថា ជាការពិតពេលនេះក្លឹបកំពុងស្វែងរកគ្រូបង្វឹកថ្មីមកជំនួសកៅអីលោក ហៅ សុជាតិ ដើម្បីដឹកនាំក្រុមបឹងកេតទៅប្រកួតពាននរង្វាន់ AFC Cup 2018 ប៉ុន្តែត្រូវរង់ចាំកិច្ចប្រជុំសម្រេចជាមួយថ្នាក់ដឹកនាំក្លឹបសិន គ្រាដែលកៅអីគ្រូបង្វឹកសម្រាប់រដូវកាលថ្មីឆ្នាំ២០១៨ ក៏ត្រូវរង់ចាំលទ្ធផលនៃកិច្ចប្រជុំនាពេលឆាប់ៗខាងមុខនេះដែរ។
សូមបញ្ជាក់ថា បឹងកេតគឺជាក្រុមតំណាងកម្ពុជាដែលត្រៀមចូលរួមប្រកួតពានរង្វាន់ AFC Cup 2018 វគ្គសន្សំពិន្ទុពូលF ហើយត្រូវជួបក្រុមតំណាងលីហ្គកំពូល ៣ប្រទេសផ្សេងទៀត រួមមានក្រុម Home United មកពីសិង្ហបុរី, ក្រុម Shan United មកពីលីហ្គកំពូលមីយ៉ាន់ម៉ា និងក្រុម Ceres Negros មកពីលីហ្គកំពូលហ្វីលីពីន ហើយក្រុមតំណាងប្រទេសហ្វីលីពីននេះ ក៏ជាត្រូវជួបក្រុមជើងឯកលីហ្គកំពូលកម្ពុជាមុនគេ នៅលើទឹកដីរបស់ខ្លួននាថ្ងៃទី១៣ ខែកុម្ភៈ ឆ្នាំ២០១៨ខាងមុខផងដែរ៕ប្រភព៖ BayonTV
លោក ហៅ សុជាតិ ដែលទើបបង្កើតកំណត់ត្រាថ្មីជូនខ្លួនឯង ក្រោយក្លាយពីគ្រូជំនួយមកដឹកនាំក្រុមបឹងកេត លើកពានលីហ្គកំពូលកម្ពុជាលើកដំបូងបានថ្លែងថា លោកមិនអាចដឹកនាំបឹងកេតចូលរួមប្រកួតពានរង្វាន់ដ៏ធំខាងលើបានទេ ដោយសារសហព័ន្ធកីឡាបាល់ទាត់អាស៊ី តម្រូវឲ្យគ្រូបង្វឹកចូលរួមត្រូវមានសញ្ញាប័ត្រកម្រិត A ខណៈបច្ចុប្បន្នលោកកំពុងកាន់សញ្ញាប័ត្រកម្រិត B នៅឡើយ។ ជុំវិញការផ្លាស់ប្ដូរគ្រូបង្វឹកថ្មីនេះដែរនៅព្រឹកថ្ងៃទី០២ ខែមករានេះ លោក បែ មករា អ្នកចាត់ការក្រុមបឹងកេតបានបញ្ជាក់ថា ជាការពិតពេលនេះក្លឹបកំពុងស្វែងរកគ្រូបង្វឹកថ្មីមកជំនួសកៅអីលោក ហៅ សុជាតិ ដើម្បីដឹកនាំក្រុមបឹងកេតទៅប្រកួតពាននរង្វាន់ AFC Cup 2018 ប៉ុន្តែត្រូវរង់ចាំកិច្ចប្រជុំសម្រេចជាមួយថ្នាក់ដឹកនាំក្លឹបសិន គ្រាដែលកៅអីគ្រូបង្វឹកសម្រាប់រដូវកាលថ្មីឆ្នាំ២០១៨ ក៏ត្រូវរង់ចាំលទ្ធផលនៃកិច្ចប្រជុំនាពេលឆាប់ៗខាងមុខនេះដែរ។
សូមបញ្ជាក់ថា បឹងកេតគឺជាក្រុមតំណាងកម្ពុជាដែលត្រៀមចូលរួមប្រកួតពានរង្វាន់ AFC Cup 2018 វគ្គសន្សំពិន្ទុពូលF ហើយត្រូវជួបក្រុមតំណាងលីហ្គកំពូល ៣ប្រទេសផ្សេងទៀត រួមមានក្រុម Home United មកពីសិង្ហបុរី, ក្រុម Shan United មកពីលីហ្គកំពូលមីយ៉ាន់ម៉ា និងក្រុម Ceres Negros មកពីលីហ្គកំពូលហ្វីលីពីន ហើយក្រុមតំណាងប្រទេសហ្វីលីពីននេះ ក៏ជាត្រូវជួបក្រុមជើងឯកលីហ្គកំពូលកម្ពុជាមុនគេ នៅលើទឹកដីរបស់ខ្លួននាថ្ងៃទី១៣ ខែកុម្ភៈ ឆ្នាំ២០១៨ខាងមុខផងដែរ៕ប្រភព៖ BayonTV