បាល់ទាត់៖ ក្រុម Burnley ដែលមិនស្គាល់រស់ជាតិឈ្នះនៅ ៤ប្រកួតចុងក្រោយបានបើកកីឡដ្ឋានផ្ទាល់ខ្លួន Turf Moor ស្វាគមន៍ក្រុមដែលកំពុងឡើងជើងហង្សក្រហម Liverpool នៅក្នុងសប្ដាហ៍ទី២២ និងជាថ្ងៃអបអរសាទរចូលឆ្នាំសកល ២០១៨ ផងដែរ។
ការប្រកួតពេញមួយតង់វគ្គទី១ ពោល ៤៥នាទីដំបូង គ្មានក្រុមណាមានឱកាសស៊ុតបំប៉ោងសំណាញ់ទីបានឡើយ ដោយបញ្ចប់លទ្ធផលបណ្ដោះអាសន្ន 0-0 តែប៉ុណ្ណោះ។ ការប្រកួតបន្តចូលក្នុងវគ្គទី២ លេងបានជាង ១០នាទីពោលគឺនាទីទី៦១ កីឡាករខ្សែបំរើវ័យ ២៥ឆ្នាំសញ្ជាតិសេនេហ្គាល់ជាអ្នកស៊ុតបានយ៉ាងល្អនាំមុខ 1-0 មុនពេលដែលកីឡាករ J. Berg Gudmundsson ខ្សែបំរើក្លឹប Burnley ស្វែងរកគ្រាប់ស្មើ 1-1 នៅនាទីទី៨៧ ដោយការប្រើក្បាល ក្រោយការបញ្ជូនប្រើក្បាលដូចគ្នាពីមិត្តរួមក្រុម Sam Vokes ធ្វើឲ្យទស្សនិកជនក្នុងដីរបស់ខ្លួនរីករាយជាខ្លាំង។
ការប្រកួតស្ទើរតែបញ្ចប់ទៅហើយ នៅពេលដែលអាជ្ញាកណ្ដាលបានបន្ថែមម៉ោង ៤នាទីចុងក្រោយបង្គ្រប់ម៉ោងមានរបួសនោះ ប៉ុន្តែមនុស្សគិតមិនដូចទេវតាគិតឡើយ ក្រុមដែលដឹកនាំដោយលោក Jurgen Klopp ក៏សម្រេចបាន ៣ពិន្ទុដ៏មានសារៈសំខាន់ជាទីបំផុត ពោលគឺខ្សែការពារកណ្ដាល Ragnar Klavan ជាអ្នកតែតមួយក្បាលបញ្ចូលទីបានល្អអស្ចារ្យបំផុតចុងម៉ោងបន្ថែម 90+4 ធ្វើឲ្យគ្រូបង្វឹកនឹងមិត្តរួមក្រុមពេញចិត្តពេញថ្លើមបំផុត។ ដូច្នេះ ៣ពិន្ទុយប់ម៉ិញនេះធ្វើឲ្យហង្សក្រហម Liverpool រក្សាតំណែងលេខ៤ ខ្លួនដដែលជាមួយនឹង ៤៤ពិន្ទុ ដេញតាមពីក្រោយ Chelsea ១ពិន្ទុ និងតាមពីក្រោយ Manchester United ៣ពិន្ទុ៕ប្រភព៖ BayTVការប្រកួតពេញមួយតង់វគ្គទី១ ពោល ៤៥នាទីដំបូង គ្មានក្រុមណាមានឱកាសស៊ុតបំប៉ោងសំណាញ់ទីបានឡើយ ដោយបញ្ចប់លទ្ធផលបណ្ដោះអាសន្ន 0-0 តែប៉ុណ្ណោះ។ ការប្រកួតបន្តចូលក្នុងវគ្គទី២ លេងបានជាង ១០នាទីពោលគឺនាទីទី៦១ កីឡាករខ្សែបំរើវ័យ ២៥ឆ្នាំសញ្ជាតិសេនេហ្គាល់ជាអ្នកស៊ុតបានយ៉ាងល្អនាំមុខ 1-0 មុនពេលដែលកីឡាករ J. Berg Gudmundsson ខ្សែបំរើក្លឹប Burnley ស្វែងរកគ្រាប់ស្មើ 1-1 នៅនាទីទី៨៧ ដោយការប្រើក្បាល ក្រោយការបញ្ជូនប្រើក្បាលដូចគ្នាពីមិត្តរួមក្រុម Sam Vokes ធ្វើឲ្យទស្សនិកជនក្នុងដីរបស់ខ្លួនរីករាយជាខ្លាំង។