ក្រុមបិសាចក្រហម Manchester United បានហក់ឡើងលេខ២ជាបណ្ដោះអាសន្នសិនក្នុងតារាងពិន្ទុ EPLសប្ដាហ៍ទី២២បន្ទាប់ពីយកឈ្នះក្នុងផ្ទះ Everton ក្នុងលទ្ធផល ២-០។ .
នេះជាជ័យជម្នះដំបូងហើយសម្រាប់លោក Jose Mourinho ក្រោយលេងមិនបានល្អស្មើ៣ប្រកួតជាប់គ្នាក្នុងលីគកន្លងទៅ។ ដូចដែលបានដឹង ដោយសារតែ Romelu Lukaku និង Zlatan Ibrahimovic របួស ដូច្នេះតំបន់ប្រយុទ្ធត្រូវរ៉ាប់រងជំនួសដោយ Anthony Martial។
មិនខុសបំណងទេនៅនាទី៥៧ Anthony Martial បានសម្រេចទីបានមួយគ្រាប់ ក្រោយមានការបញ្ជូនពី Pogba។ ចុងវគ្គទី២នាទី៨១ Pogba ដដែលបានបោះបាល់ឲ្យ Jesse Lingard ទាត់បញ្ជូនទីមួយគ្រាប់ទៀតជួយក្រុមនាំមុខ ២-០ ហើយលទ្ធផលនេះបានបញ្ចប់រហូតចប់វគ្គ។
យ៉ាងណា ការឡើងទៅលេខ២របស់ Man Utd នេះមិនទាន់ស្ថិតស្ថេរនៅឡើយ ព្រោះក្រុមលេខ៣ Chelsea ទើបតែលេងបាន២១ប្រកួត ហើយត្រូវលេងនៅថ្ងៃពុធស្អែកជាមួយ Arsenal។ Man Utd និង Chelsea មានគម្លាតខុសគ្នាតែពីរពិន្ទុប៉ុណ្ណោះ៕