រដូវ​កាល​ក្រោយ ​ស្វាយ​រៀង​បន្ថែម​កីឡាករ​វ័យ​ក្មេង​៥​នាក់​ទៀត - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

រដូវ​កាល​ក្រោយ ​ស្វាយ​រៀង​បន្ថែម​កីឡាករ​វ័យ​ក្មេង​៥​នាក់​ទៀត

30/12/2017
នៅ​រដូវ​កាល​ក្រោយ​នេះ ​ក្លឹប​ព្រះ​ខ័ន​រាជ​ស្វាយ​រៀង ​នឹង​បន្ថែម​កីឡាករ​យុវជន​៥​នាក់​ទៀត សម្រាប់​ក្រុម​ធំ ​ដោយ​ក្នុង​នោះ​មាន​កីឡាករ​២​រូប​មក​ពី​សាលា​បាល់ទាត់​ជាតិ​បាទី។


លោក សំ វ៉ាន់ដេត ​បញ្ជាក់​ដូច​ខាង​លើ​នេះ ​ក្រោយ​ពី​ជួយ​ក្រុម​ព្រះ​ខ័ន​រាជ​ស្វាយ​រៀង​លើក​ពាន Hun Sen Cup ​កាល​ពី​ពេល​កន្លង​ទៅ។ យុវជន​៥​នាក់​ដែល​នឹង​លេង​ក្រុម​ធំ​ស្វាយ​រៀង​នេះ ​គឺ​មាន​៣​នាក់​ជ្រើស​ចេញ​ពី​យុវជន​ថ្នាល​របស់​ក្លឹប​ផ្ទាល់ ​និង​២​នាក់​ទៀត​យក​ពី​សាលា​បាល់ទាត់​ជាតិ​បាទី។ កីឡាករ​ទាំង​២​នាក់​មក​ពី​បាទី​នោះ​រួម​មាន​អ្នក​ចាំ​ទី​ ហ៊ុល គីមហ៊ុយ និង​កីឡាករ​ ត្រាយ វិចិត្រ។


កីឡាករ​ដែល​ស្វាយ​រៀង​នាំ​ចូល​ពី​បាទី​ទាំង​២ សុទ្ធ​តែ​មាន​សមត្ថភាព​ខ្ពស់​និង​មាន​ក្លឹប​ច្រើន​ចង់​បាន​ដែរ។ ពួកគេ​បាន​ជាប់​ជម្រើស​ជាតិ​លេង​ពាន​រង្វាន់​យុវជន​ជា​ច្រើន ​ហើយ​ក៏​ទទួល​បាន​ការ​ចាប់​អារម្មណ៍​ខ្លាំង​ពី​អ្នក​គាំទ្រ​ផង​ដែរ៕