ម្តាយមិនដឹងសោកស្តាយប៉ុនណាទេ ពេលឃើញកូនក្លាយជាបែបនេះ
28/12/2017
ខេត្តកំពង់ធំ ៖ ក្មេងប្រុសម្នាក់ពេលម្តាយទៅច្រួតស្រូវបានទៅតាមជាមួយ ហើយបានចុះទៅលេងទឹកស្លាប់ ហេតុការណ៍នេះបានកើតឡើងកាលពីវេលាវេលាម៉ោង១០និង៣០នាទីព្រឹកថ្ងៃទី២៨ ខែធ្នូ ឆ្នាំ២០១៧ ស្ថិតនៅវាលស្រែមួយកន្លែង តំបន់ព្រៃត្រឡាច នៅក្នុងភូមិព្រៃព្រាល(ខ) ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។
ព័ត៌មានពីកន្លែងកើតហេតុបានឲ្យដឹងថា ក្មេងប្រុសរងគ្រោះឈ្មោះខៅ ណារ៉េន អាយុ១០ឆ្នាំ បានទៅតាមម្តាយឈ្មោះសាន ម៉ាច រស់នៅក្នុងភូមិឃុំកើតហេតុខាងលើ ទៅច្រូតស្រូវជាមួយ ខណៈពេលដែលម្តាយកំពុងរវល់តែជាប់ដៃច្រូតស្រូវ ក៏បានដឹងថា កូនចុះលេងទឹកនោះទេ មួយសន្ទុះក្រោយមកបាត់កូនក៏នាំគ្នាដើររកតាមមាត់ស្រះក៏ឃើញស្នាមជើងកូនចុះទឹក នាំគ្នាចុះរាវរកក៏ប្រទះឃើញកូនប្រុសបានលង់ទឹកស្លាប់បាត់យ៉ាងអាណោចអាធម៌បាត់ទៅហើយ រួចក៏នាំគ្នាស្រង់យកមកលើគោក ធ្វើចលនាជួយសង្គ្រោះតែមិនអាចជួយបាន ។
ក្រោយកើតហេតុសមត្ថកិច្ចបានចុះធ្វើកោសល្យវិច្ច័យថា ក្មេងប្រុសស្លាប់ដោយសារ លង់ទឹកស្រះពិតប្រាកដមែនក៏ប្រគល់សាកសពឲ្យយកទៅធ្វើបុណ្យតាមប្រពៃណី និងអំពាវនាវសុំឲ្យឪពុកម្ដាយ ឬអាណាព្យាបាលត្រូវមានការប្រុងប្រយ័ត្នខ្ពស់ចំពោះបុត្រ ធីតារបស់ខ្លួនកុំឲ្យមានការធ្វេសប្រហែស ដូចករណីខាងលើនេះ ហើយនាំឲ្យមានការសោកស្តាយហួសពេលអស់ ចិញ្ចឹមកូនតាំងពីតូចដល់ធំប៉ុននេះហើយ ត្រូវចំណាចទាំងញើសឈាម និងថវិការអស់ច្រើនណាស់ ។
