យោងតាមសេចក្តីជូនដំណឹងរបស់ អង្គភាពប្រឆាំងអំពើពុករលួយចុះថ្ងៃទី២៥ ខែ ធ្នូ ឆ្នាំ ២០១៧នេះ បានអោយដឹងថា មន្ត្រីដែលបានចូលប្រកាសទ្រព្យសម្បត្តិ ក្រោយគណបក្សសង្គ្រោះជាតិត្រូវបានតុលាការកំពូលចេញសាលដីការំលាយ នោះមាន៦៨៦រូបនោះ ក្នុងនោះ រួមមាន តំណាងរាស្ត្រចំនួន ចំនួន៤០រូប និងទីប្រឹក្សា ជំនួយការ៣១រូប សរុបចំនួន៧១រូប, សមាជិក គ.ជ.ប ចំនួន៣រូប, សមាជិកក្រុមប្រឹក្សារាជធានី-ខេត្ត ក្រុង-ស្រុក-ខណ្ឌ និងឃុំ-សង្កាត់ ចំនួន៦១៥រូប។
អង្គភាពប្រឆាំងអំពើពុករលួយក៏បានអំពាវនាវដល់អតីតថ្នាក់ដឹកនាំ និងសមាជិកគណបក្សសង្គ្រោះជាតិ ដែលជាប់កាតព្វកិច្ចទាំងអស់ រួសរាន់ទៅបំពេញកាតព្វកិច្ចប្រកាសទ្រព្យសម្បត្តិ និងបំពុលរបស់ខ្លួនក្នុងរយៈពេល៣០ថ្ងៃ។
ឯកឧត្ដម ឱម យ៉ិនទៀង ប្រធានអង្គភាពប្រឆាំងអំពើពុករលួយ ធ្លាប់បានបញ្ជាក់ថា ច្បាប់ប្រឆាំងអំពើពុករលួយ បានចែងថាក្រុមប្រឹក្សា មេឃុំ ចៅសង្កាត់ណាមួយ ត្រូវបានបញ្ចប់ការងាររបស់ខ្លួន ត្រូវតែប្រកាសទ្រព្យសម្បត្តិរបស់ខ្លួនម្តងទៀតជាលើកចុងក្រោយ ក្នុងរយៈពេល៣០ថ្ងៃ។ យ៉ាងណាក្តីប្រសិនបើអតីតតំណាងរាស្ត្រ ក្រុមប្រឹក្សា រាជធានី-ខេត្ត ស្រុក-ខណ្ឌ ឃុំ-សង្កាត់ មេឃុំ-ចៅសង្កាត់ ណាមិនព្រមចូលខ្លួនប្រកាសទ្រព្យសម្បត្តិ នឹងប្រឈមការជាប់ពន្ធនាគាររយៈពេល១ខែ តាមច្បាប់ប្រឆាំងអំពើពុករលួយ៕ប្រភព៖ BayonTV
