ភ្នំពេញ៖ អគ្គនាយមជ្ឈមណ្ឌលមាត្រាសាស្ត្រជាតិបានបញ្ជាក់ថា ច្បាប់ស្តីពីមាត្រាសាស្ត្រជាតិ គឺបានដើរតួយ៉ាងសំខាន់ គឺការរក្សានិងធានាដល់ការធ្វើពាណិជ្ជកម្ម ការប្រើប្រាស់ឧបករណ៍មាត្រាសាស្ត្រដោយត្រឹមត្រូវ ជាពិសេសធានាដល់ ផលប្រយោជន៍រវាងអ្នកប្រើប្រាស់ និងអ្នកផ្គត់ផ្គង់។
លោកជំទាវ ពៅ វល្សណ៍ អគ្គនាយកមជ្ឈមណ្ឌលមាត្រាសាស្ត្រជាតិនៃក្រសួងឧស្សាហកម្ម និងសិប្បកម្មបានថ្លែងឲ្យដឹងនៅថ្ងៃទី២៦ ខែធ្នូ ឆ្នាំ២០១៧ នេះថា មជ្ឈមណ្ឌលមាត្រាសាស្ត្រជាតិ ដែលសរសេរជាអក្សរកាត់ (ម.ម.ជ.) គឺសម្រាប់គ្រប់គ្រងរាល់សកម្មភាព សេវាពាក់ព័ន្ធនឹងការងារមាត្រាសាស្ត្រមានជាអាទិ៍ វិទ្យាសាស្ត្រមាត្រាសាស្ត្រ ឧស្សាហកម្មមាត្រាសាស្ត្រ និងនីត្យានុកូលមាត្រាសាស្ត្រ។
លោកជំទាវបានបន្តថា ចាប់តាំងពីច្បាប់ បានប្រកាសប្រើប្រាស់ជាផ្លូវការមក មជ្ឈមណ្ឌលមាត្រាសាស្ត្រជាតិដែល មានឧស្សាហកម្មមាត្រាសាស្ត្រ ដែលជាខ្នាតវាស់វែង និងធ្វើការព្យសនកម្មឲ្យបានត្រឹមត្រូវនោះ យើងបានអនុវត្តន៍កិច្ចការជាច្រើន នៅលើការងារឧស្សាហកម្មនេះ។ ចំណែកវិទ្យាសាស្ត្រមាត្រាសាស្ត្រ ដែលជាផ្នែកតម្រូវឲ្យឧបករណ៍អ្នកប្រើប្រាស់ ត្រូវតែត្រួតពិនិត្យនោះគឺមជ្ឈមណ្ឌលបានធ្វើការជាច្រើនជាមួយបញ្ហានេះផងដែរ។
លោកជំទាវ ពៅ វល្សណ៍ បានបន្តថា មាត្រាសាស្ត្រ គឺសំដៅដល់វិទ្យាសាស្ត្រ ការគ្រប់គ្រងទម្ងន់ និងរង្វាស់រង្វាល់ ក្នុងនោះ ច្បាប់ស្តីពីមាត្រាសាស្ត្រជាតិ គឺបានដើរតួយ៉ាងសំខាន់ សម្រាប់ការផ្តល់ភាពត្រឹមត្រូវ ការធានាដល់ការធ្វើពាណិជកម្មគ្មានលម្អៀង និងការប្រើប្រាស់ឧបករណ៍មាត្រាសាស្ត្ទដោយត្រឹមត្រូវ ជាពិសេសធានាដល់ផលប្រយោជន៍ រវាងអ្នកប្រើប្រាស់ និងអ្នកផ្គត់ផ្គង់ដែលកំពុងផ្តល់សេវានៅក្នុងពេលបច្ចុប្បន្ន។
មជ្ឈមណ្ឌលមាត្រាសាស្ត្រជាតិ បានបំពេញមុខងារជាសេនាធិការឱ្យក្រសួងឧស្សាហកម្ម និងសិប្បកម្ម លើការងារមាត្រាសាស្ត្រជាតិ ដោយមានភារកិច្ចដូចជា ការរៀបចំនិងអនុវត្តគោលនយោបាយយុទ្ធសាស្ត្រ ផែនការសម្រាប់អភិវឌ្ឍន៍ផ្នែកមាត្រាសាស្ត្រ ការអនុវត្តការងារចុះបញ្ជីមាត្រាសាស្ត្រ ការគ្រប់គ្រង និងថែរក្សាស្តង់ដារគោលជាតិ ការពិនិត្យ វាយតម្លៃលើភាពអនុលោម និងផ្តល់វិញ្ញាបនបត្រទទួលស្គាល់ស្តង់ដាប្រតិបត្តិសម្រាប់ការអនុវត្តដល់អង្គភាពផ្សេងៗ ការធ្វើ តេស្ត វិភាគ ទំនិញផលិត ពុម្ព និងសំបកវេចខ្ចប់ ការធ្វើព្យាសកម្មស្តង់ដារមាត្រាសាស្ត្រ និងឧបករណ៍មាត្រាសាស្ត្រ ការធ្វើ ត្រួតពិនិត្យផ្ទៀងផ្ទាត់ និងបញ្ជាក់ភាពអនុលោមអំពីទម្ងន់ និងរង្វាស់រង្វាល់នៃទំនិញផលិត និងទំនិញវេចខ្ចប់ តាមលក្ខខណ្ឌលម្អិត នៃទំនិញវេចខ្ចប់ដែលទាក់ទងនឹងផ្នែកមាត្រាសាស្ត្រ ការត្រួតពិនិត្យផ្ទៀតផ្ទាត់ និងបញ្ជាក់សមត្ថភាពអប្បបរមា និងអតិបរមាអំពីទម្ងន់ ឬរង្វាស់រង្វាល់នៃឧបករណ៍មាត្រាសាស្ត្រដែលអនុញ្ញាតឱ្យប្រើប្រាស់ជាដើម ៕ប្រភព៖ BayonTV
លោកជំទាវ ពៅ វល្សណ៍ អគ្គនាយកមជ្ឈមណ្ឌលមាត្រាសាស្ត្រជាតិនៃក្រសួងឧស្សាហកម្ម និងសិប្បកម្មបានថ្លែងឲ្យដឹងនៅថ្ងៃទី២៦ ខែធ្នូ ឆ្នាំ២០១៧ នេះថា មជ្ឈមណ្ឌលមាត្រាសាស្ត្រជាតិ ដែលសរសេរជាអក្សរកាត់ (ម.ម.ជ.) គឺសម្រាប់គ្រប់គ្រងរាល់សកម្មភាព សេវាពាក់ព័ន្ធនឹងការងារមាត្រាសាស្ត្រមានជាអាទិ៍ វិទ្យាសាស្ត្រមាត្រាសាស្ត្រ ឧស្សាហកម្មមាត្រាសាស្ត្រ និងនីត្យានុកូលមាត្រាសាស្ត្រ។
លោកជំទាវបានបន្តថា ចាប់តាំងពីច្បាប់ បានប្រកាសប្រើប្រាស់ជាផ្លូវការមក មជ្ឈមណ្ឌលមាត្រាសាស្ត្រជាតិដែល មានឧស្សាហកម្មមាត្រាសាស្ត្រ ដែលជាខ្នាតវាស់វែង និងធ្វើការព្យសនកម្មឲ្យបានត្រឹមត្រូវនោះ យើងបានអនុវត្តន៍កិច្ចការជាច្រើន នៅលើការងារឧស្សាហកម្មនេះ។ ចំណែកវិទ្យាសាស្ត្រមាត្រាសាស្ត្រ ដែលជាផ្នែកតម្រូវឲ្យឧបករណ៍អ្នកប្រើប្រាស់ ត្រូវតែត្រួតពិនិត្យនោះគឺមជ្ឈមណ្ឌលបានធ្វើការជាច្រើនជាមួយបញ្ហានេះផងដែរ។
លោកជំទាវ ពៅ វល្សណ៍ បានបន្តថា មាត្រាសាស្ត្រ គឺសំដៅដល់វិទ្យាសាស្ត្រ ការគ្រប់គ្រងទម្ងន់ និងរង្វាស់រង្វាល់ ក្នុងនោះ ច្បាប់ស្តីពីមាត្រាសាស្ត្រជាតិ គឺបានដើរតួយ៉ាងសំខាន់ សម្រាប់ការផ្តល់ភាពត្រឹមត្រូវ ការធានាដល់ការធ្វើពាណិជកម្មគ្មានលម្អៀង និងការប្រើប្រាស់ឧបករណ៍មាត្រាសាស្ត្ទដោយត្រឹមត្រូវ ជាពិសេសធានាដល់ផលប្រយោជន៍ រវាងអ្នកប្រើប្រាស់ និងអ្នកផ្គត់ផ្គង់ដែលកំពុងផ្តល់សេវានៅក្នុងពេលបច្ចុប្បន្ន។
មជ្ឈមណ្ឌលមាត្រាសាស្ត្រជាតិ បានបំពេញមុខងារជាសេនាធិការឱ្យក្រសួងឧស្សាហកម្ម និងសិប្បកម្ម លើការងារមាត្រាសាស្ត្រជាតិ ដោយមានភារកិច្ចដូចជា ការរៀបចំនិងអនុវត្តគោលនយោបាយយុទ្ធសាស្ត្រ ផែនការសម្រាប់អភិវឌ្ឍន៍ផ្នែកមាត្រាសាស្ត្រ ការអនុវត្តការងារចុះបញ្ជីមាត្រាសាស្ត្រ ការគ្រប់គ្រង និងថែរក្សាស្តង់ដារគោលជាតិ ការពិនិត្យ វាយតម្លៃលើភាពអនុលោម និងផ្តល់វិញ្ញាបនបត្រទទួលស្គាល់ស្តង់ដាប្រតិបត្តិសម្រាប់ការអនុវត្តដល់អង្គភាពផ្សេងៗ ការធ្វើ តេស្ត វិភាគ ទំនិញផលិត ពុម្ព និងសំបកវេចខ្ចប់ ការធ្វើព្យាសកម្មស្តង់ដារមាត្រាសាស្ត្រ និងឧបករណ៍មាត្រាសាស្ត្រ ការធ្វើ ត្រួតពិនិត្យផ្ទៀងផ្ទាត់ និងបញ្ជាក់ភាពអនុលោមអំពីទម្ងន់ និងរង្វាស់រង្វាល់នៃទំនិញផលិត និងទំនិញវេចខ្ចប់ តាមលក្ខខណ្ឌលម្អិត នៃទំនិញវេចខ្ចប់ដែលទាក់ទងនឹងផ្នែកមាត្រាសាស្ត្រ ការត្រួតពិនិត្យផ្ទៀតផ្ទាត់ និងបញ្ជាក់សមត្ថភាពអប្បបរមា និងអតិបរមាអំពីទម្ងន់ ឬរង្វាស់រង្វាល់នៃឧបករណ៍មាត្រាសាស្ត្រដែលអនុញ្ញាតឱ្យប្រើប្រាស់ជាដើម ៕ប្រភព៖ BayonTV