ពិធីប្រគល់នេះធ្វើនៅភូមិព្រែកតាពៅសង្កាត់ព្រែកប្រាខណ្ឌច្បារអំពៅរាជធានីភ្នំពេញកាលពីថ្ងៃ០៦កើតខែបុស្សឆ្នាំរកានព្វសកពុទ្ធសករាជ២៥៦១ត្រូវនិងថ្ងៃទី២៤ខែធ្នូឆ្នាំ២០១៧។
ឯកឧត្តមវេជ្ជបណ្ឌិតសុះមុះសិនវេជ្ជបណ្ឌិតសុះមុះសិន បានលើកឡើងពីភាពរីកចម្រើនរបស់ព្រះរាជណាចក្រកម្ពុជានាពេលបច្ចុប្បន្ននេះទាំងសមិទ្ធផលសង្គមនិងសិទ្ធរស់រានមានជីវិតរបស់ប្រជាពលរដ្ឋកម្ពុជាទូទាំងប្រទេសគឺបណ្តាលមកពីប្រទេសជាតិយើងមានសុខសន្តិភាពពេញលេញក្នុងនោះសិទ្ធសេរីភាពក្នុងជំនឿសាសនាត្រូវបានលើកកម្ពស់ក្រោមការដឹកនាំដ៏ឈ្លាសវៃនិងប្រកបដោយគតិបណ្ឌិតរបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជណាចក្រកម្ពុជា។
ឯកឧត្តមវេជ្ជបណ្ឌិតបានបន្តថាប្រាក់ឧបត្ថម្ភត្រូវបានកំណត់ផ្តល់ជូនប្រចាំត្រីមាសដោយក្មេងម្នាក់ៗទទួលបាន៨៤អឺរ៉ូដូចនេះក្នុងមួយឆ្នាំមាន៤ត្រីមាសស្មើនិង៣៣៦អឺរ៉ូហើយថ្ងៃនេះគឺជាលើកទ១២នៃការផ្តល់ប្រាក់ឧបត្ថម្ភប្រចាំត្រីមាសទី២និងទី៣ស្មើនិង០៦ខែឆ្នាំ២០១៧ដោយក្មេងម្នាក់ៗទទួលបាន១៦៨អឺរ៉ូសរុបចំនួន១ម៉ឺន១ពាន់៥៩២អឺរ៉ូ។
ឯកឧត្តមវេជ្ជបណ្ឌិតសុះមុះសិនវេជ្ជបណ្ឌិតសុះមុះសិនបានបញ្ជាក់ថា៖ក្រៅពីគម្រោងខាងលើសមាគមគ្រូពេទ្យឥស្លមាកម្ពុជាបានធ្វើសកម្មភាពយ៉ាងច្រើនលើកិច្ចការជួយកុមារកំព្រានៅកម្ពុជាក្រោមកិច្ចសហការជាដៃគូអភិវឌ្ឍន៍មួយចំនួនដូចជា៖សមាគមសប្បុរសធម៌ឌុយបៃនៃប្រទេសអារ៉ាប់រួមអេមីរ៉ាត់បានទទួលចិញ្ចឹមកុមារគំព្រាដោយផ្តល់នូវជីវភាពរស់នៅសមរម្យការអប់រំនិងការថែទាំសុខភាពរបស់ក្មេងដែលបានជ្រើសរើសពីសហគមន៍ឥស្លាមមកពីតាមបណ្តារាជធានីខេត្តហើយគម្រោងនេះកំពុងអនុវត្តន៍ចាប់ពីឆ្នាំ២០១០ដល់ឆ្នាំ២០១៧និងជាឆ្នាំទី៦ដែលមានកុមារកំព្រាសរុបចំនួន១៨៩នាក់ហើយ។
អង្គការអឌ្ឍចន្ទក្រហមក៏បាននិងកំពុងជួយឧបត្ថម្ភកុមារកំព្រានៅមជ្ឈមណ្ឌលអេមីរ៉ាត់ចាប់ពីថ្ងៃទី០៧ខែកក្តដាឆ្នាំ២០០៧ដោយបានផ្តល់សេវាសង្គមកិច្ចអប់រំចំណេះដឹងទូទៅនិងផ្នែកសាសនាជំនាញកុំព្យូទ័រភាសាអង់គ្លេសភាសាអារ៉ាប់ដល់កុមារកំព្រាចំនួន៧៧នាក់៕ប្រភព៖ BayonTV
