Cech
ក្រុមមានមូលដ្ឋាននៅទីក្រុងឡុងភាគខាងជើងបានស្មើគ្នា ១-១ នៅវិនាទីចុងក្រោយ វិះតែនឹងចាញ់ម្ចាស់ផ្ទះ កាលពីប្រកួត Premier League សប្ដាហ៍ទី១៦។ មូលហេតុដែលទម្រង់លេងក្រុមធ្លាក់ចុះ ត្រូវ Cech បង្ហើបថាដោយសារមិត្តរួមក្រុមរបស់ខ្លួនមិនផ្ដោតអារម្មណ៍ និងត្រៀមលក្ខណៈមិនគ្រប់គ្រាន់នៅ១០នាទីដំបូង។
“កាលប៉ះ Man Utd លេងបាន១០នាទីពួកយើងបាក់យ៉ាងខ្លាំង ហើយប្រកួតជាមួយ Southampton រឿងដដែលសឹងតែកើតឡើងម្ដងទៀត។ វាគឺជាអ្វីដែលយើងត្រូវផ្លាស់ប្ដូរ សំណាងហើយដែលបានស្មើ។ កីឡាករទាំងអស់ត្រូវតែរួចរាល់ពេលដើរចេញពីបន្ទប់ដូរខោអាវទៅកាន់ទីលាន"។ អ្នកចាំទីសញ្ជាតិឆេកនិយាយដូច្នេះ៕
