ក្រុមក្រសួងការពារជាតិ ធ្វើបានល្អមែនទែនសម្រាប់ប៉ុន្មានប្រកួតចុងក្រោយនេះ ដោយអាចយកឈ្នះណាហ្គាវើល និងព្រះខ័នរាជស្វាយរៀង ដើម្បីទៅប៉ះជាមួយបឹងកេតនៅវគ្គផ្ដាច់ព្រ័ត្រនេះ។ ទ័ព ហាក់ដូចជាលេងសហការគ្នាល្អក្នុងទីលាន និងបានកែប្រែកំហុសយ៉ាងច្រើន ជាពិសេសការលេងបាត់បាល់នៅតំបន់កណ្ដាល។ ទាំងនេះសុទ្ធតែជាការកែប្រែមួយដើម្បីត្រៀមខ្លួននៅវគ្គផ្ដាច់ព្រ័ត្រ។
ក្រុមក្រសួងការពារជាតិ
ចំពោះបឹងកេត ពួកគេក៏បានត្រៀមខ្លួនយ៉ាងល្អដែរ ដោយទុកកីឡាករល្អៗជាច្រើនកាលពីលេងពាន Hun Sen Cup ។ ដូច្នេះហើយ ការប្រកួតនៅល្ងាចនេះ គឺជាការប្រកួតដែលស្វិតស្វាញបំផុត និងជាប្រកួតលំបាកផងដែរសម្រាប់ បឹងកេត ព្រោះក្រសួងការពារកំពុងតែលេងល្អសម្រាប់។
សម្រាប់សំបុត្រចូលទស្សនាការប្រកួតនេះវិញ តំបន់អត់ដំបូលមានតម្លៃ៣ពាន់រៀល និងតំបន់មានដំបូលតម្លៃ៥ពាន់រៀល៕
