លោក Ancelotti គឺជាមនុស្សម្នាក់ក្នុងចំណោមបេក្ខភាពជាច្រើនដែល Chelsea កំពុងពិចារណាដើម្បីជំនួស Conte បន្ទាប់ពីគ្រូបង្វឹកវ័យ៤៨ឆ្នាំបានដឹកនាំក្លិបឈ្នះពាន EPL រដូវកាលមុន ប៉ុន្តែរដូវកាលនេះក្លិបតោខៀវហាក់ធ្លាក់ទម្រង់លេង មិនសមប្រកបតាមការចង់បានរបស់ប្រធានក្លិប បូករួមទាំងការចាញ់ West Ham United កាលពីយប់មិញទៀត។
Ancelotti បានរើឥវ៉ាន់ចេញពីផ្ទះរបស់លោកនៅអាឡឺម៉ង់ហើយ និង ត្រៀមរើចូលផ្ទះចាស់នៅក្រុងឡុងជាកន្លែងដែលលោកធ្លាប់រស់នៅក្នុងអំឡុងពេលដឹកនាំ Chelsea នារដូវកាល២០០៩/១០ តែត្រូវក្លិបបណ្តេញចេញបន្ទាប់ពីចប់រដូវកាល។
Chelsea មិនមែនជាក្រុមតែ១ដែលលោក Ancelotti ទៅរង់ចាំដឹកនាំទេ លោកអាចនឹងជំនួសតាបារាំង Arsene Wenger របស់ Arsenal ឬ ចាំមើលឱកាសទៅ Spurs ប្រសិនបើលោក Mauricio Pochettino ចេញពីក្លឹបមាន់ខ្នាយមាសទៅ Real មែននោះ។ ប្រភពខាងលើបន្ត៕
