iPhone SE 2(រូប render)
ងាកមកមើលការវិភាគពីឆាណែលយូធូបដ៏ល្បីមួយ EverythingApplePro ដែលតែងតែធ្វើវីដេអូនិយាយពីផលិតផលស្ទើរទាំងអស់របស់ Apple បានឲ្យដឹងថា “បើមើលទៅលើការចេញលក់ iPhone SE ជំនាន់ ១ មិនសូវជាជោគជ័យនោះទេ ប្រហែលជា Apple មិនចេញរាងចឹងទៀតឡើយ តែបើក្រឡេកមើលរាងគំរូ (Concept) ថ្មីៗប្លែកៗ ពីព៍ត៌មានបែកធ្លាយ ខ្លះថា iPhone X SE ខ្លះថា iPhone SE 2 ដោយការរចនារូបរាងស្រដៀង iPhone X។ តាមរយៈនោះ វាក៏ជាតម្រុយមួយឲ្យអ្នកអាចសន្និដ្ឋានបានថា ប្រហែលជាវាអាចចេញចឹងពិតមែន។"EverythingApplePro ក៏បានបន្ថែមថា ដូចអ្នកដឹងហើយថា Apple លាក់ជិតឈឹងល្អណាស់ទាំងតម្លៃ ថ្ងៃចេញលក់ និងរូបរាង។ តែអ្វីដែលលោករំពឹងទុក Apple គួរផលិត iPhone SE 2 មានអេក្រង់ពេញល្អដូច iPhone X កាមេរ៉ាភ្លោះខាងក្រោយ អេក្រង់ OLED ដាក់ឈីប A11 Bionic ភ្ជាប់មកជាមួយបច្ចេកវិទ្យាការពារជម្រាបទឹក សាកថ្មឥតខ្សែដូច iPhone X និងបច្ចេកវិទ្យាថ្មីៗទៀតទើបអាចទាក់ចិត្តអ្នកប្រើ iPhone បាន។ តែបើនៅរក្សាទំហំអេក្រង់តូចដូចមុនដដែល ច្បាស់ណាស់វាអាចនឹងដើរតាមគន្លង SE ជំនាន់ដំបូង។
ចំណែកឯរោងចក្រផលិត iPhone SE 2 ត្រូវបានទទួលសិទ្ធផ្ដាច់មុខពី Apple ដោយក្រុមហ៊ុនតៃវ៉ាន់មួយឈ្មោះ Wistron ជារោងចក្រកំពុងផលិតត្រកូល SE។ ក្រុមហ៊ុននេះផងដែរ ក៏កំពុងតែចរចារជាមួយរដ្ឋាភិបាលឥណ្ឌា ដើម្បីទិញដីមួយផ្នែកក្បែររោងចក្រឥណ្ឌាក្នុងការបង្កើនសង្វាក់ផលិតកម្ម iPhone SE។
រូបរាងគំរូចេញដោយ Concept Creator
ចង់ដឹងច្បាស់ទស្សនាការវិភាគ iPhone SE 2 ដោយ EverythingApplePro
ប្រភព៖ YouTube | valuewalk ប្រែសម្រួល៖ ឡៃហ៊ាង
