លោក ឆើយ ចាន់ណា អភិបាលរងខេត្តបន្ទាយមានជ័យបានមានប្រសាសន៍ថា វគ្គហ្វឹកហ្វឺនបំប៉នវរសេនាតូចថ្មើរជើងលេខ៥០៥ចំណុះតំបន់ប្រតិបត្តិការសឹករងបន្ទាយមានជ័យគឺសុំកោតសរសើរចំពោះកងកម្លាំងយោធាដែលបានខឹតខំប្រឹងប្រែងបង្កើនសមត្ថភាពយល់ដឹង អត្តចរិកថ្លៃថ្នូរ សីលធម៌ប្រកាន់ភ្ជាប់នូវវិន័យរបស់កងយោធពលខេមរភូមិន្ទ យល់ដឹងពីតួនាទីភារកិច្ចរបស់ខ្លួន គោរពរាល់បទបញ្ជារបស់ថ្នាក់ដឹកនាំ និងច្បាប់នានា ។
លោកឧត្តមសេនីយ៍ទោ អ៊ិន សុខាវុឌ្ឍី មេបញ្ជាការរងយោធភូមិភាគទី៥ និងជាមេបញ្ជាការតំបន់១ខេត្តបន្ទាយមានជ័យបានមានប្រសាសន៍ថា វគ្គហ្វឹកហ្វឺនបំប៉នវរសេនាតូចថ្មើជើងលេខ៥០៥ចំណុះតំបន់ប្រតិបត្តិការសឹករងបន្ទាយមានជ័យដែលត្រូវបានបិតនាពេលនេះមានកម្លាំងចំនួន១០០នាក់បានហ្វឹកហ្វឺនចាប់ពីថ្ងៃទី០២ ខែតុលា ដល់ថ្ងៃទី២៧
លោកបានបញ្ជាក់ថា ការហ្វឹកហ្វឺនមាន អប់រំចិត្តសាស្គ្រ យុទ្ធវិធីថ្មើរជើង លំហាត់របៀប ឋានលេខា បញ្ចេកទេសអាវុធ របៀបសង្គ្រោះបន្ទាន់ និងបាញ់គ្រាប់ពិតដែលមាន៣កាយវិការចំងាយ១០០ម៉ែត្រ មានកាយវិការបាញ់ដេក៣គ្រាប់ កាយវិការបាញ់លត់ជង្គង់៣គ្រាប់ និងកាយវិការបាញ់ឈ៣គ្រាប់ឃើញថា ហ្វឹកហ្វឺនទាំង៧ចំណុចគឺទទួលលទ្ធផលល្អប្រសើរចំពោះការខឹតខំប្រឹងប្រែង ។
លោកឧត្តមសេនីយ៍ទោ អ៊ិន សុខាវុឌ្ឍី បានណែនាំដល់កម្លាំងយោធាវរសេនាតូចថ្មើជើងលេខ៥០៥ចំណុះតំបន់ប្រតិបត្តិការសឹករងបន្ទាយមានជ័យក្រោយពេលទទួលការហ្វឹកហ្វឺនជំនាញគឺត្រូវខិតខំប្រឹងប្រែងដើម្បីការពារបូរណះភាពទឹកដី និងការពារជូនប្រជាពលរដ្ឋ និងប្រទេសជាតិឱ្យមានសុខសន្តិភាពស្របតាមគោលនយោបាយរបស់រាជរដ្ឋាភិបាលកម្ពុជា ៕