Bauza
ប្រទេសមហាអំណាចប្រេងនៃទ្វីបអាស៊ីបានចេញសេចក្ដីថ្លែងការកាលពីថ្ងៃពុធថា៖ "ពួកយើងបានផ្ដាច់ទំនាក់ទំនងជាមួយគ្រូបង្គោលលោក Bauza ក្រោយដឹកនាំមិត្តភាពបាន៥ប្រកួតកន្លងទៅ"។ យ៉ាងណាក៏ដោយមូលហេតុនៅពីក្រោយការបណ្ដេញចេញ នៅមិនទាន់ដឹងច្បាស់នៅឡើយទេ ពោលគឺភាគីទាំងសងខាងសុទ្ធតែបដិសេធមិនអធិប្បាយ។Edgardo Bauza បានជំនួសលោក Bert van Marwijk ដែលលាឈប់កាលពី២ខែមុនក្រោយជួយអារ៉ាប៊ីសាអ៊ូឌីតមានកៅអីទៅ World Cup នៅប្រទេសរុស្ស៊ី។ ក្រោមការដឹកនាំរបស់គ្រូបង្វឹកថ្មីរយៈពេល៦៩ថ្ងៃក្រុមរហស្សនាមថា ស្ទាំងបៃតងបានយកឈ្នះ ចាម៉ៃកា, ឡាតវី ប៉ុន្តែចាញ់ ហ្គាណា, ព័រទុយហ្គាល់ និងប៊ុលហ្គារីក្នុងប្រទេសមិត្តភាពកម្ដៅសាច់ដុំ។
បុរសវ័យ៥៩ឆ្នាំធ្លាប់មានបទពិសោធន៍ដឹកនាំក្រុមជម្រើសជាតិមួយចំនួនដូចជា អាហ្សង់ទីន, អារ៉ាប់រួម និងចុងក្រោយគឺអារ៉ាប៊ីសាអ៊ូឌីត។ នៅក្លឹបអាជីពវិញអតីតខ្សែការពាររូបគេធ្លាប់ដឹកនាំក្លឹបជាច្រើននៅលីគអាហ្សង់ទីន និងខ្លះទៀតនៅប្រទេសស្ថិតក្នុងទ្វីបអាមេរិកខាងត្បូង៕
ក្រុមជម្រើសជាតិ អារ៉ាប៊ីសាអ៊ូឌីត
ប្រភព៖ ESPN FC ប្រែសម្រួល៖ ឡៃហ៊ាង
