(ភ្នំពេញ)៖ ថ្ងៃទី២ ខែវិច្ឆិកាឆ្នាំ២១០៧ដែលជាថ្ងៃទីមួយនៃព្រះរាជពិធីបុណ្យអុំទូកបណ្តែតប្រទីប សំពះព្រះខែនិងអកអំបុក សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជានិងលោកជំទាវ បានផ្ដល់នូវអំណោយជាទឹកប្រាក់ចំនួន១០៨ លានរៀល ដើម្បីអបអរក្នុងឱកាសពិធីបុណ្យអុំទូកនេះ។
អំណោយរបស់សម្តេចវិបុលសេនាភក្តីសាយ ឈុំ បានត្រូវប្រគល់និងបែងចែកទៅដល់គណៈកម្មការបុណ្យជាតិចំនួន ៣លានរៀល គណៈកម្មការបច្ចេកទេសស្គរជ័យចំនួន២ លានរៀល គណៈកម្មការឯកទេសការប្រកួតចំនួន២លានរៀល គណៈកម្មការបាញ់កាំជ្រួចចំនួន ២លានរៀល ក្រុមភ្លេងមហោរីចំនួន២លានរៀល ទូរទស្សន៍ជាតិកម្ពុជាចំនួន១លានរៀល វិទ្យុជាតិកម្ពុជាចំនួន ១លានរៀលនិងឧបត្ថម្ភក្រុមទូកចូលរួមទាំង២៧០ទូក ក្នុង១ទូកទទួលបាន៤សែនរៀល។
សូមបញ្ជាក់ថានេះមិនមែនជាលើកទី១មួយទេ ដែលសម្តេចវិបុលសេនាភក្តីសាយ ឈុំនិងលោកជំទាវបានឧបត្ថម្ភដល់ព្រះរាជពិធីបុណ្យអុំទូកបណ្តែតប្រទីប សំពះព្រះខែនិងអកអំបុក គឺសម្តេចតែងតែយកចិត្តទុកដាក់និងឧបត្ថម្ភជារៀងរាល់ឆ្នាំ៕