ខេត្តបន្ទាយមានជ័យ ៖ នៅខេត្តបន្ទាយមានជ័យកម្លាំងនគរបាលជំនាញចរាចរណ៍ផ្លូវគោកខេត្ត និងមកពីបណ្តាគ្រប់ក្រុង-ស្រុកបានធ្វើការបើកវគ្គបំប៉នជំនាញនៅការិយាល័យជំនាញចរាចរណ៍ជើងគោកខេត្ត នារសៀលថ្ងៃទី៣១ ខែតុលា ឆ្នាំ២០១៧ កន្លងទៅនេះ ក្រោមអធិបតីភាពលោកវរសេនីយ៍ឯក អ៊ុំ សុផល ស្នងការរងទទួលផែនសណ្តាប់សណ្តាប់ធ្នាប់សាធារណៈ នៃស្នងការដ្ឋានhttps://web.facebook.com/នគរបាលខេត្តបន្ទាយមានជ័យ ។
លោកវរសេនីយ៍ឯក សន គឹមសួគ៌ នាយការិយាល័យនគរបាលចរាចរណ៍ផ្លូវគោកបានឲ្យដឹងថា ដើម្បីលើកកម្ពស់នូវការយល់ដឹង និងលុបបំបាត់ការខ្វះខាតក្នុងកិច្ចប្រតិបត្តិការរឹតបន្តឹងអនុវត្តច្បាប់ស្តីពីចរាចរណ៍ និងអនុវត្តឲ្យបានសម្រេចតាមមតិណែនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍សន្តិបណ្ឌិត អគ្គស្នងការនគរបាលជាតិ និងឯកឧត្តម ប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ក៏ដូចជាការដាក់ចេញនូវផែនការ របស់លោកឧត្តមសេនីយ៍ស្នងការនគរបាលខេត្ត បន្ទាយមានជ័យ ។
ជាមួយគ្នានោះដែរលោកវរសេនីយ៍ឯក អ៊ុំ សុផល ស្នងការរងទទួលផែននគរបាលចរាចរណ៍ និងសណ្តាប់ធ្នាប់សាធារណៈបានផ្តាំផ្ញើរដល់មន្ត្រីនគរបាលការិយាល័យចរាចរណ៍ផ្លូវគោក និងមន្ត្រីនគរបាលមកពីតាមបណ្តាស្រុក ក្រុង ក្រោយពីទទួលនូវខ្លឹមសារ និងការអនុវត្តជាក់ស្តែងនេះ ពេលត្រឡប់ទៅអង្គភាពវិញ ត្រូវព្យាយាមសិក្សាដោយខ្លួនឯងបន្ថែម ដើម្បីឲ្យមានការស្ទាត់ជំនាញជៀសវាងនូវកំហុសឆ្គងណាមួយជាយថាហេតុ និងឧស្សាហ៍រៀនសូត្រនូវកបាច់គុណទាំងឡាយ ដែលគ្រូបង្គោលបានហ្វឹកហាត់ ហាត់ឲ្យស្ទាត់ជំនាញ ក្នុងគោលបំណងដើម្បីទប់ទល់ជាមួយជនបង្កបទល្មើស ហើយមានបំណងតបតជាមួយសមត្ថកិច្ចយើង ៕