មួយវិញទៀត នាយចង់បញ្ជាក់ប្រាប់ទៅមហាជនថា ការផ្អាកពីអាជីពជាអ្នកកំប្លែងមួយរយៈនេះ មិនបានន័យថាភ្លេចកំណើតខ្លួននៅក្នុងក្រុម ពែកមី ឬទូរទស្សន៍ CTN នោះទេ ហើយការឈប់នេះក៏មិនឈប់រហូតដែរ ថ្ងៃណាមួយពេលវេលាអំណោយផល នឹងចូលកំប្លែងវិញជាក់ជាពុំខាន។
“ បាទមានអ្នកខ្លះគាត់និយាយថាខ្ញុំបានល្បីភ្លេចកំណើតខ្លួនឯង តែខ្ញុំមិនដែលភ្លេចទេបង កន្លែងណាដែលផ្ដល់កំណើតឲ្យខ្ញុំ រូបខ្ញុំចងចាំជានិច្ច ហើយថ្ងៃណាមួយខ្ញុំនឹងចូលវិញ គ្រាន់តែថាពេលនេះចង់ពង្រឹងបទចម្រៀងខ្ញុំនៅសាន់ដេសិន"។ នាយ ចឺម រៀបរាប់៕
ប្រភព៖ Sabay News
