គួរបញ្ជាក់ថា សាកសពជនរងគ្រោះត្រូវគេស្គាល់ ១-ឈ្មោះ ខឹម វី ភេទស្រី អាយុ៣៤ ឆ្នាំ
(ត្រូវជាម្តាយ) និង២-ឈ្មោះ ឡូត វីន ភេទស្រី អាយុ៨ខែ (កូន) និងមនុស្សប្រុសម្នាក់ទៀត នៅមិនស្គាល់អត្តសញ្ញាណដដែល ហើយក៏មិនទាន់ដឹងថា ត្រូវជាអ្វីជាមួយជាមួយសពស្ត្រីរងគ្រោះនោះដែរ ។
សេចក្តីរាយការណ៍បន្តថា សមត្ថកិច្ចរកឃើញទៀតថា បុរសជាប្តីរបស់សាកសពស្ត្រីរងគ្រោះ បានគេចខ្លួនបាត់ ក្រោយមានហេតុការណ៍នេះកើតឡើង ដែលកំពុងសង្ស័យ អាចពាក់ព័ន្ធជាមួយការស្លាប់របស់ពួកគេ ដោយសមត្ថកិច្ចកំពុងស្វែងរក ដើម្បីសាកសួរ ។
គួររំលឹកទៀតថា មានការភ្ញាក់ផ្អើលយ៉ាងខ្លាំង កាលពីព្រឹកថ្ងៃទី១៥ វិច្ឆិកា ស្ថិតនៅចំណុចទំនប់តាសាល ក្នុងភូមិសច្ចា ឃុំតាសាល ស្រុកឱរ៉ាល់ ខេត្តកំពង់ស្ពឺ ក្រោយពីប្រទះឃើញសាកសពមនុស្៣នាក់ មានសភាពហើមស្អុយទៅហើយ ក្នុងនោះ មានមតិលើកឡើងខុសៗគ្នាថា ជាករណីឃាតកម្ម ខ្លះថាជាករណីលង់ទឹក ព្រោះសង្ស័យជាគ្រួសារអ្នកនេសាទ ។