អាជ្ញាធរខេត្តបន្ទាយមានជ័យកម្ពុជានិងភាគីថៃជួបសម្តែងការស្វាគមន៍គ្នា
16/11/2017
ខេត្តបន្ទាយមានជ័យ ៖ អាជ្ញាធរខេត្តបន្ទាយមានជ័យកម្ពុជា និងភាគីថៃខេត្តស្រះកែវរួមជាមួយមន្ត្រីរាជការកងកម្លាំងប្រដាប់អាវុធបានជួបសម្តែងការស្វាគមន៍គ្នាដើម្បីសហប្រតិបត្តការរួមគ្នាកាលពីរសៀលថ្ងៃទី១៤ ខែវិច្ឆិកា ឆ្នាំ២០១៧ នៅលើស្ពានមិនភាពកម្ពុជា-ថៃស្ថិតក្រុងប៉ោយប៉ែត ខេត្តបន្ទាយមានជ័យ ។
ក្នុងឱកាសនោះដែរលោក សួន បវរ អភិបាលខេត្តបន្ទាយមានជ័យបានប្រាប់ថា អាជ្ញាធរខេត្តបន្ទាយមានជ័យកម្ពុជា និងអាជ្ញាធរខេត្តស្រះកែវប្រទេសថៃបានជួបសម្តែងការគួរសម និងស្វាគមន៍គ្នារវាងប្រទេសកម្ពុជា និងថៃដើម្បីសហប្រតិបត្តិការឱ្យបានល្អប្រសើរក្នុងនាមប្រទេសជិតខាង និងគ្នាធ្វើការទំនាក់ទំនងគ្នាទៅវិញទៅមកឱ្យកាន់តេប្រសើរឡើងថែមទៀត ។ លោកបានបញ្ជាក់ថា នៅពេលអាជ្ញាធរខេត្តបន្ទាយមានជ័យកម្ពុជា និងអាជ្ញាធរខេត្តស្រះកែវប្រទេសថៃស្វាគមន៍គឺអាជ្ញាធរខេត្តបន្ទាយមានជ័យកម្ពុជាបានស្នើសុំឱ្យជួយទប់ស្កាត់ពលករចំណាក់ស្រុកដោយខុសច្បាប់ដែលលួចចូលឆ្លងដែនខុសច្បាប់ទៅរកការងារធ្វើនៅក្រុងបាងកក និងធ្វើការងារតាមបន្ទាត់ព្រំដែនលួចកាប់ឈើ និងបទល្មើសមានជួយដូរមនុស្សដោយខុសច្បាប់ បទល្មើសនាំឆ្លងដែនកាប់ឈើគ្រញូង ជួញដូរអាវុធខុសល្មើសច្បាប់ និងជួញដូរអាវុធ ទំនិញគេចពន្ធត្រូវទប់ស្កាត់ឱ្យបានចំពោះបទល្មើសឆ្លងដែន ។
លោក សួន បវរ បានបញ្ជាក់ថា អាជ្ញាធរខេត្តបន្ទាយមានជ័យកម្ពុជា និងអាជ្ញាធរខេត្តស្រះកែវប្រទេសថៃចាប់ដៃស្វាគមន៍គ្នានៅលើស្ពានមិត្តភាពកម្ពុជាច្រកទ្វារអន្តរជាតិប៉ោយប៉ែតខេត្តបន្ទាយមានជ័យ និងភាគីថៃខេត្តស្រះកែវ ដើម្បីសហប្រតិបត្តិការគ្នាឱ្យកាត់តែប្រសើរឡើងថែមទៀតឱ្យប្រជាពលរដ្ឋទាំងពីរប្រទេសជាប់ព្រំដែនដោះដូរទំនិញទៅវិញទៅមក និងបង្កើនការទំនាក់ទំនងគ្នាបានល្អប្រសើរថែមទៀត ៕
