ភ្នំពេញ៖ វិទ្យាស្ថានបច្ចេកទេសឧស្សាហកម្មនៃក្រសួងការងារនិងបណ្ដុះបណ្ដាលវិជ្ជាជីវៈកម្ពុជា និងវិទ្យាស្ថានវិជ្ជាជីវៈហ្ស៊ីបូ (Zibo) នៃសាធារណរដ្ឋប្រជាមានិតចិន បានចុះកិច្ចព្រមព្រៀងសហប្រតិបត្តិការរួមគ្នា ក្នុងគោលបំណងជំរុញឲ្យវិស័យបណ្ដុះបណ្ដាលបច្ចេកទេស និងវិជ្ជាជីវៈឲ្យកាន់តែល្អប្រសើរដើម្បីបំពេញបន្ថែមសម្រាប់ទីផ្សារការងារបច្ចុប្បន្ន។
នៅក្រោយបញ្ចប់ពិធីចុះហត្ថលេខាលើអនុស្សរណៈនៃការយោគយល់សម្រាប់រយៈពេល៥ឆ្នាំ គិតចាប់ពីឆ្នាំ២០១៧ រហូតដល់ឆ្នាំ២០២២រវាងឯកឧត្តម បណ្ឌិត អ៊ិត សំហេង និងលោក ជី ស៊ាំង ឈី (Ji Xiang Qi) អភិបាលរងខេត្ត សាងដុងឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានមានប្រសាសន៍ប្រាប់ដល់ក្រុមអ្នកសារព័តមានថា កិច្ចសហប្រតិបត្តិការនេះ គឺរួមមានការកសាងសមត្ថភាពគ្រូ, ការផ្លាស់ប្តូរ អាហារូបករណ៍សិស្សទៅវិញទៅមករវាងកម្ពុជា-ចិនដើម្បីផ្លាស់ប្តូរការបណ្តុះបណ្តាលផ្នែកបច្ចេកទេស។
ឯកឧត្តមបន្តថា នេះជាកាលានុវត្តន៍ភាពថ្មីមួយសម្រាប់ការបង្កើននូវឱកាសបណ្តុះបណ្តាលវិជ្ជាជីវៈ និងការទទួលបានឱកាសសិក្សាថ្មីៗសម្រាប់យុវជន យុវនារីដែលជាកម្លាំងថ្មីសម្រាប់បំពេញបន្ថែមទីផ្សារការងារកម្លាំងជំនាញនៅក្នុងស្រុក។
ឯកឧត្តមបណ្ឌិតអ៊ិត សំហេង បានបញ្ជាក់ទៀតថា ភាគីទាំងពីរនឹងធ្វើសហប្រតិបត្តិការលើផ្នែកសំខាន់ៗជាច្រើន ដូចជា វិទ្យាស្ថានចិននឹងផ្តល់អាហារូបករណ៍ដល់កម្ពុជា ព្រមទាំងធានារ៉ាប់រងសម្រាប់បង់ថ្លៃសិក្សា និងការស្នាក់នៅ, វិទ្យាស្ថានចិនដដែលនេះក៏នឹងជ្រើសរើសនិស្សិតកម្ពុជាឲ្យទៅសិក្សានៅវិទ្យាស្ថានវិជ្ជាជីវៈ ហ្ស៊ីបូ ហើយនិស្សិតដែលបញ្ចប់ការសិក្សានឹង ទទួលបានសញ្ញាបត្របញ្ចប់តាមជំនាញនៅប្រទេសចិន។ល។ ប្រភព៖ BayonTV
នៅក្រោយបញ្ចប់ពិធីចុះហត្ថលេខាលើអនុស្សរណៈនៃការយោគយល់សម្រាប់រយៈពេល៥ឆ្នាំ គិតចាប់ពីឆ្នាំ២០១៧ រហូតដល់ឆ្នាំ២០២២រវាងឯកឧត្តម បណ្ឌិត អ៊ិត សំហេង និងលោក ជី ស៊ាំង ឈី (Ji Xiang Qi) អភិបាលរងខេត្ត សាងដុងឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានមានប្រសាសន៍ប្រាប់ដល់ក្រុមអ្នកសារព័តមានថា កិច្ចសហប្រតិបត្តិការនេះ គឺរួមមានការកសាងសមត្ថភាពគ្រូ, ការផ្លាស់ប្តូរ អាហារូបករណ៍សិស្សទៅវិញទៅមករវាងកម្ពុជា-ចិនដើម្បីផ្លាស់ប្តូរការបណ្តុះបណ្តាលផ្នែកបច្ចេកទេស។
ឯកឧត្តមបន្តថា នេះជាកាលានុវត្តន៍ភាពថ្មីមួយសម្រាប់ការបង្កើននូវឱកាសបណ្តុះបណ្តាលវិជ្ជាជីវៈ និងការទទួលបានឱកាសសិក្សាថ្មីៗសម្រាប់យុវជន យុវនារីដែលជាកម្លាំងថ្មីសម្រាប់បំពេញបន្ថែមទីផ្សារការងារកម្លាំងជំនាញនៅក្នុងស្រុក។
ឯកឧត្តមបណ្ឌិតអ៊ិត សំហេង បានបញ្ជាក់ទៀតថា ភាគីទាំងពីរនឹងធ្វើសហប្រតិបត្តិការលើផ្នែកសំខាន់ៗជាច្រើន ដូចជា វិទ្យាស្ថានចិននឹងផ្តល់អាហារូបករណ៍ដល់កម្ពុជា ព្រមទាំងធានារ៉ាប់រងសម្រាប់បង់ថ្លៃសិក្សា និងការស្នាក់នៅ, វិទ្យាស្ថានចិនដដែលនេះក៏នឹងជ្រើសរើសនិស្សិតកម្ពុជាឲ្យទៅសិក្សានៅវិទ្យាស្ថានវិជ្ជាជីវៈ ហ្ស៊ីបូ ហើយនិស្សិតដែលបញ្ចប់ការសិក្សានឹង ទទួលបានសញ្ញាបត្របញ្ចប់តាមជំនាញនៅប្រទេសចិន។ល។ ប្រភព៖ BayonTV