លោកវេជ្ជបណ្ឌិត ហុក គឹមចេង ប្រធានមជ្ឈមណ្ឌលជាតិផ្តល់ឈាម បានឲ្យដឹងយ៉ាងដូច្នេះក្នុងឱកាសដែលសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច រៀបចំកម្មវិធីបរិច្ចាគឈាមដោយស្ម័គ្រចិត្តលើកទីមួយក្រោមប្រធានបទ «ផ្តល់ឈាម ផ្តល់ឥឡូវនេះ ផ្តល់ច្រើនដង» ដោយមានការចូលរួមដោយនិស្សិតជាង៥០០នាក់ ក្រោមកិច្ចសហការជាមួយមជ្ឈមណ្ឌលជាតិផ្តល់ឈាម និងដោយចូលរួមឧបត្ថម្ភគាំទ្រដោយ ក្រុមហ៊ុន អិន វី ស៊ី ខបភើរេសិន វីតាល់។ នាព្រឹកថ្ងៃទី១៥ ខែវិចិ្ឆកា ឆ្នាំ២០១៧នេះ ។
លោកវេជ្ជបណ្ឌិតបន្តថា ការចូលរួមបរិច្ចាគឈាមនេះគឺពិតជាប្រសើរណាស់ ព្រោះស្តុកឈាមរបស់យើងក៏កំពុងតែត្រូវការប្លោកឈាមដើម្បីបំពេញបន្ថែមសម្រាប់ការផ្គត់ផ្គង់ដល់តម្រូវការដែលមានការកើនឡើងជារៀងរាល់ថ្ងៃ។
លោក អ៊ុំ វណ្ណៈ តំណាងក្រុមហ៊ុន អិន វី ស៊ី ខបភើរេសិនវីតាល់ថា កម្មវិធីបរិច្ចាគឈាមនេះអាចប្រារព្ធទៅបានយ៉ាងអធិកអធមដោយសារតែមានការឧបត្ថម្ភជ្រោមជ្រែងយ៉ាងពេញទំហឹង ជាពិសេសគឺក្រុមហ៊ុនទឹកពិសា វីតាល់ ដែលជានិច្ចជាកាល តែងតែគាំទ្រដល់សកម្មភាពមនុស្សធម៌នានាក្នុងសង្គម។
និស្សិតសកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ចលោករស់ អមតៈ កំពុងរងចាំបរិច្ចាគឈាម បាននិយាយថា ការផ្តល់ឈាមថ្ងៃនេះ ដើម្បីជួយដល់ការងារសង្គម ក៏ដូចជាជួយដល់មនី្ទរពេទ្យ ដែលត្រូវការឈាម សម្រាប់សង្គ្រោះជីវិតរបស់ប្រជាពលរដ្ឋដែលត្រូវការឈាម ។
គោលបំណងនៃការរៀបចំកម្មវិធីនេះឡើងគឺរំពឹងថានឹងទទួលបានប្លោកឈាមសប្បុរសយ៉ាងតិចណាស់៣០០ប្លោក។ដើម្បីលើកកម្ពស់ដល់ការចូលរួមរបស់និស្សិតឲ្យបានចូលរួមជាមួយសកម្មភាពមនុស្សធម៌ក្នុងសង្គមតាមការបរិច្ចាគឈាម ក៏ជាការគាំទ្រផងដែរដល់យុទ្ធនាការរបស់មជ្ឈមណ្ឌលជាតិផ្តល់ឈាមដែលតែងតែយកចិត្តទុកដាក់ក្នុងការលុបបំបាត់ ការស្លាប់របស់ប្រជាជនកម្ពុជាដោយកង្វះឈាម៕ប្រភព៖ BayonTV
