តារាជើងស៊ុត Cristiano Ronaldo ទទួលបានកំណើតកូនទី៤ហើយ បន្ទាន់ពីប៉ុន្មានម៉ោងតារាម៉ូដែលព័រទុយហ្គាល់ទម្លាយរឿងគេក្បត់ចិត្តមិត្តស្រី។
កីឡាករវ័យ៣២ឆ្នាំបានបង្ហាញរូបមិត្តស្រី Georgina Rodriquez វ័យ២២ឆ្នាំឱបកូនស្រីទើបនឹងកើត ដោយមានរូបគេនិងកូនប្រុសច្បង Cristiano Jr. នៅអង្គុយក្បែរនោះ។ ភ្ជាប់ជាមួយរូបភាព Ronaldo បានសរសរថា៖ " Alana Martina ទើបតែកើតទេ! ទាំង Georgina និង Alana ធ្វើបានល្អមែនទែន! ពួកយើងទាំងអស់គ្នារីករាយខ្លាំងណាស់"។
ក្រុមគ្រួសារមួយនេះបានមកដល់មន្ទីរពេទ្យ Hospital Quiron Universal ក្នុងទីក្រុង Madrid ដែលនៅក្បែរផ្ទះ Ronaldo នៅមុនរសៀលថ្ងៃអាទិត្យ។ នេះជាក្ដីរីករាយរបស់ Ronaldo សាជាថ្មី ព្រោះកាលពីខែ មិថុនាកន្លងទៅគេទើបតែទទួលបានកូនស្រីប្រុសភ្លោះមួយគូឈ្មោះថា Eva Maria Dos Santos និង Mateo Ronaldo ដែលកើតចេញពីម្ដាយពពោះជំនួស៕
ប្រភព៖ Dailymail ប្រែសម្រួល៖ ឡៃហ៊ាង
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)