ជា វាន់សាក់
អតីតយុវជនព្រះខ័នរាជស្វាយរៀង និងភ្នំពេញក្រោនរូបនេះបាននិយាយថា រូបគេទទួលបានឱកាសលេងក្នុងក្រុមជម្រើសជាតិ U19 កម្ពុជាចំនួន ២លើកហើយគិតទាំងលើកនេះ។ ប៉ុន្តែក្ដីស្រមៃដ៏ធំគឺបានជាប់ជម្រើសជាតិក្រុមធំ ហេតុនេះរូបគេបានតាំងចិត្តថា នឹងប្រឹងប្រែងបន្តទៀត។យុវជនរូបនេះបញ្ជាក់ថា រូបគេមានសមត្ថភាពអាចប្រកួតប្រជែងជាមួយជាមួយមិត្តរួមក្រុមបាន ដើម្បីប្រជែងយកតំណែងលេងលើទីលាន។ ទន្ទឹមនឹងនោះក៏មានចំណុចខ្វះខាតផងដែរ ប៉ុន្តែនឹងកែខៃឲ្យមកជាល្អវិញ។
ជា វាន់សាក់ ជាកីឡាកររបស់ក្លឹបវិសាខា ដែលកំពុងលេងនៅលីគទី២ របស់កម្ពុជា ។ យុវជនរូបនេះបានជួយសង្គ្រោះបាល់ពិន័យ ១១ ម៉ែត្រដែលជាការទាត់ដោយក្រុម U19 ឥណ្ឌូណេស៊ី យ៉ាងល្អនៅចុងវគ្គទី២ក្នុងជំនួបមិត្តភាពដែល U19 កម្ពុជា ចាញ់ U19 ឥណ្ឌូណេស៊ី ២-០ កាលពីយប់មិញនេះ៕
U-19 កម្ពុជា
