របាយការណ៍ក្រៅស្រុកមួយបានឲ្យដឹងថា ក្រុមហ៊ុន OnePlus នឹងពុំបង្ហាញម៉ូដែល 5T ដូចប៉ុន្មានឆ្នាំមុនទៀតឡើយ ដោយផ្លោះដល់ម៉ូដែល OnePlus 6 តែម្ដង។ ដំណឹងខ្លះៗគេបានបង្ហើបថា OP6 រំពឹងនឹងលេចចេញវត្តមាននៅដើមឆ្នាំ ២០១៨ នេះ សម្របនឹងការវិវត្តទំហំអេក្រង់ឡើងដល់ ៦ អ៊ីញមិនឲ្យចាញ់ឈ្មោះ ប៉ុន្តែប្រភេទអេក្រង់ផ្ទៃពេញដូចស្មាតហ្វូនឯទៀតមានឬអត់ មិនទាន់ដឹងច្បាស់នៅឡើយ។
ចំពោះបន្ទះឈីបទទួលការផ្គត់ផ្គង់ពី Qualcomm ដដែល ចូលដល់ជំនាន់ Snapdragon 845 ខណៈទំហំ RAM និងអង្គផ្ទុកនូវរក្សាទំហំដូច OP5 នាពេលបច្ចុប្បន្ន តែជំនាន់ក្រោយ OP6 អាចបន្ថែម micro SD Card ពីខាងក្រៅបាន។
រំឭកថាកន្លងទៅ OnePlus ធ្លាប់បិទចោលការដាក់ឈ្មោះ OnePlus 4 បន្ទាប់ពីត្រកូល 3T ព្រោះតាមទំនៀមទម្លាប់ប្រទេសចិន លេខ ៤ ត្រូវបានគេរាប់បញ្ចូលជាលេខស្លាប់ឬលេខមិនល្អ។
ប្រភព៖ Gizchina
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)