ប្រភព៖ Marca
Zidane៖ Isco លេងបាល់ស្រួលៗ ដូចលេងលើចិញ្ចើមផ្លូវ
02/10/2017
Isco បានទាត់បញ្ចូលទី២គ្រាប់លើក្រុម Espanyol ជួយ Real Madrid ស្គាល់រសជាតិឈ្នះក្នុងផ្ទះជាលើកដំបូងនៅ La Liga កាលពីយប់មិញ ហើយ Zinedine Zidane ក៏បានសរសើរជាសមត្ថភាពកីឡាកររូបនេះផងដែរ។
ត្បិតតែ Madrid កំពុងតែជួបប្រទះវិបត្តិខ្សែការពារ ប៉ុន្តែពួកគេនៅតែធ្វើបានល្អដោយយកឈ្នះ Espanyol ២-០ ជាពិសេស Isco ដែលបានជួយអស់លទ្ធភាព ឲ្យក្រុមទទួលជ័យជម្នះ។ ក្រោយចប់ការប្រកួត Zidane បាននិយាយក្នុងសន្និសីទកាសែតថា៖ " Isco គឺជាកីឡាសំខាន់ សម្រាប់ពួកយើង។ ប្រកួតយប់មិញ គេលេងបាល់ ដូចគេកំពុងលេងលើចិញ្ចើមផ្លូវអញ្ចឹង ខ្ញុំចូលចិត្តបែបនេះ"។
បុរសសញ្ជាតិបារាំងបន្ថែថា៖ "គេមិនមានខ្វល់ខ្វាយអ្វីទាំងអស់ ប្រសិនអ្វីៗក្នុងក្រុមមិនដំណើរការ គេមានសក្ដានុពល និងព្យាយាមធ្វើវាម្ដងទៀត"។ ជោគជ័យនេះធ្វើឲ្យ Real ស្ថិតនៅលេខ៥ ក្នុងតារាង La Liga ចាញ់ក្រុមលេខ១ Barcelona ៧ពិន្ទុ៕
ប្រភព៖ Marca
ប្រភព៖ Marca
