ខេត្តបាត់ដំបង ៖ អាវរងារចំនួន៩០៦៤អាវ របស់សម្តេចតេជោហ៊ុន សែន និងសម្តេចកិតិ្តព្រឹទ្ឋបណ្ឌិតប៊ុន រ៉ានី ហ៊ុនសែន ត្រូវបានចែកជូនដល់កងកម្លាំងប្រដាប់អាវុធ មានកងទ័ព អាវុធហត្ថ និងប៉ូលីសតាមព្រំដែនចំណុះឲ្យយោធភូមិភាគទី៥ នាថ្ងៃទី២៩-៣០ ខែតុលា ឆ្នាំ២០១៧ ។
លោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បានអមដំណើរចុះសួរសុខទុក្ខ ក្រសួងការពារជាតិ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិតិ្តព្រឹទ្ឋបណ្ឌិត ប៊ុន រ៉ានី ហ៊ុនសែន អមដំណើរដោយលោកនាយឧត្តមសេនីយ៍គឹម ប៊ុនថាន អគ្គមេបញ្ជាការរង វរសេនាតូចលេខ៥២៣ របស់កងពលតូចថ្មើរជើងលេខ៥២ ស្ថិតនៅភូមិរកាភឹង ឃុំត្រែង ស្រុករតនៈមណ្ឌល ខេត្តបាត់ដំបង សរុបរួម៧០០នាក់បានមកទទួលអាវរងារ និងព្រឹកថ្ងៃទី៣០ ខែតុលាបន្តចុះតាមវរការពារព្រំដែនលេខ៥០៤ស្ថិតនៅស្រុកសាលាក្រៅខេត្តប៉ៃលិន ចំនួន៣២៦៧នាក់ និងល្ងាចនៅកងការពារព្រំដែន ស្ថិតនៅស្រុកស្វាយចេក ខេត្តបន្ទាយមានជ័យចំនួន៣៧០៩នាក់ ។
សម្តេចតេជោបានផ្តល់ឲ្យគ្រប់រដូវកាលបន្ទាប់ពីបានផុតរដូវភ្លៀងរួចមកនេះ មានមតិផ្តាំផ្ញើ លោកឧត្តមសេនីយ៍ទោ ហ៊ុន ម៉ានិត បានថ្លែងថា នេះគឺជាវប្បធម៌ចែករំលែក និងការសួរសុខទុក្ខដោយផ្ទាល់ តំណាងទឹកចិត្តដែលរាជរដ្ឋាភិបាលតែងតែយកចិត្តទុកដាក់ចំពោះកងកម្លាំងប្រដាប់អាវុធ ព្រោះបានគិតថា ស្រុកយើងធានាបាននូវសុខសន្តិភាពកន្លងមក គឺបានដោយសារកងកម្លាំងយើងមានឆន្ទះ ស្មារតីរួមគ្នាថែររក្សា ។
សម័យនេះជាសម័យតាមបែបទំនើប ដែលកងទ័ពយុវវ័យរបស់យើងទាមទារត្រូវមានការយល់ដឹងផ្នែកប្រព័ន្ឋបច្ចេកវិទ្យា ពីចំណែកមួយនៃការញុះញង់ បំផុស លាបពណ៌ ដែលនាំឲ្យមានភាពវឹកវរក្នុងសង្គមរបស់យើងដែលកំពុងតែមានសុខសន្តិភាពពិតៗ តែងតែបានអនុវត្តន៍ធ្វើជាប្រចាំមិនដែលបានចេះដើរសន្យាខ្យល់ដោយមាត់ទទេជាច្រើនលើកមកហើយនោះទេ ៕
