Pep បន្ទោស​បាល់​នៅ League Cup ​គ្មាន​គុណភាព​ ក្រោយ​ទាត់​មិន​ចូល​ក្រុម​ខ្សោយ

Pep Guardiola  អ្នក​ចាត់ការ​ក្រុម Manchester City  បង្ហាញ​ការ​មិន​ពេញ​ចិត្ត​សម្រាប់​បាល់​ដែល​ប្រើ​​ក្នុង​កម្មវិធី League Cup ទោះ​ក្រុម​ខ្លួន​​បាន​ឡើង​ទៅ​វគ្គ​៨​ក្រុម​ក៏​ដោយ។

Man City កំពុង​តែ​ខ្លាំងក្លា​នៅ  Premier League រដូវ​កាល​នេះ តែ​កាល​ពីយប់​មិញ​​ពេល​ជួប  Wolves ពួក​គេ​បាន​លេង​ទាំង​លំបាក​​រហូត​ដល់​បាល់​ប៉េណាល់ទី បន្ទាប់​ពី​ចប់​៩០​នាទី​បាន​ត្រឹម​ ០-០។​ ជុំវិញ​ការ​ប្រកួត​នេះ Guardiolaមិន​សប្បាយ​ចិត្ត​ជាមួយ​នឹង​បាល់​របស់​ក្រុមហ៊ុន Mitre  ដែល​យក​មក​ប្រើ​ក្នុង​ការ​ប្រកួត​ League Cup។

“​វា​ពិត​ជា​មិន​អាច​ទទួល​បាន បាល់​នោះ​​មិន​អាច​យក​មក​ប្រើ​ក្នុង​ការ​ប្រកួត​​កម្រិត​ខ្ពស់​បាន​ទេ។ វា​ពិត​ស្រាល​ខ្លាំង​ណាស់។​ វា​មិនមែន​ជា​បាល់​ល្អ​នោះ​ទេ។ វា​ពិត​ជា​ពិបាក​ក្នុង​ការ​ទាត់​ដើម្បី​រក​គ្រាប់​បាល់។ ខ្ញុំ​និយាយ​បែប​នេះ​មិនមែន​ជា​លេស​យក​រួច​ខ្លួន​ទេ។ កីឡាករ​ទាំង​អស់​របស់​ខ្ញុំ​​បាន​និយាយ​ថា នេះ​ជា​បាល់​អ្វី​នឹង?។ ខ្ញុំ​សុំទោស​ ប៉ុន្តែ League Cup មិន​គួរ​យក​បាល់​ដែរ​អន់​ មក​លេង​នឹង​កម្មវិធី​ផ្លូវការ​បែប​នេះ​ទេ​"៕ ​​​​​​​

ប្រភព៖ Goal ប្រែ​សម្រួល៖ ឡៃហ៊ាង