ចំពោះសកម្មភាពជីកកកាយភ្នំយ៉ាងអនាធិបតេយ្យ ស្ថិតនៅចំណុចភ្នំអង្គរជ័យនេះ ត្រូវបានប្រភពច្បាស់ការបង្ហើបថា បានកើតឡើងជាច្រើនថ្ងៃមកហើយៗ ដែលម្ចាស់គ្រឿងចក្រត្រូវគេស្គាល់ជាក្រុមហ៊ុនល្បីមួយនៅក្នុងស្រុកកំពង់ត្រាច តែម្តង។ ចំពោះការផ្តួចផ្តើមជីកកកាយភ្នំអង្គរជ័យបែបនេះ គឺគេសំអាងលើអាជ្ញាប័ណ្ណចល័ត ប៉ុន្តែច្បាប់អាជីវកម្មនោះវាបានផុតកំណត់ទៅហើយ ប៉ុន្តែខាងក្រុមហ៊ុនគ្រឿងចក្របានបង្វែរថា ជាការជីកកាយដីភ្នំសម្រាប់ដាំដើមឈើ ក្នុងគោលបំណងបំភ័ន្តភ្នែកមហាជន ហើយកន្លងមកម្ចាស់គ្រឿងចក្រក៏ប្រាប់ថា បើចង់ជ្រាបសួរទៅការិយាល័យរ៉ែ និង ថាមពល ស្រុកពិតជាអស់ចម្ងល់មិនខាន។
ចំពោះប្រជាពលរដ្ឋដែលរស់នៅក្បែរជើងភ្នំអង្គរជ័យ បានលើកឡើងដូចគ្នាថា សម្បត្តិធម្មជាតិដែលបន្សល់ពីដូនតា ពិសេសភ្នំអង្គរជ័យនេះ កាលពីមុនមានសភាពខៀវស្រងាត់ហ៊ុមព័ទ្ធដោយព្រៃប្រឹក្សា តែពេលនេះក្លាយជាទីតាំងជីកយកអាចម៍ដីយ៉ាងអនាធិបតេយ្យ ដោយថ្ងៃណាមួយនឹងរលាយបាត់រូបរាងមិនខានឡើយ។
