មន្ត្រីនគរបាលចរាចរណ៍ស្រុកពញាឮ បានឲ្យដឹងថា ជនរងគ្រោះ ឈ្មោះ លាស់ ភារម្យ ភេទប្រុស អាយុ២៥ឆ្នាំ មានលំនៅក្នុងភូមិប្រក់ក្តារ ឃុំវិហារហ្លួង ស្រុកពញាឮ ខេត្តកណា្តល។ រីឯរថយន្តបង្ក ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ 3A-0840 មិនស្គាល់អត្តសញ្ញាណ របស់អ្នកបើកបរ ពីព្រោះគេបានរត់គេចខ្លួនបាត់។ប្រភពព័ត៌មាន បានឲ្យដឹងថា មុនពេលកើតហេតុ គេឃើញបុរសម្នាក់ បានបើករថយន្តបង្ក មកចតត្រង់ចំណុចកើេតហេតុ ដោយមិនបានដាក់ភ្លើងស៊ីញ៉ូ ដើម្បីឲ្យអ្នកប្រើប្រាស់ផ្លូវ បានដឹកនោះឡើយ។
លុះមកដល់វេលាខាងលើ ស្រាប់តែមានយុវជនរងគ្រោះ ជិះម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ 1CR-30-32 បោះពួយយ៉ាងលឿនមកដល់ ក៏ជ្រុលទៅបុក រថយន្តពេញទំហឹង ដួលបោកទៅលើថ្នល់ បណ្ដាលឲ្យរងរបួសធ្ងន់។ ឃើញហេតុការណ៍បែបនេះ អ្នកបើកបររថយន្តបង្ក ក៏បានរត់គេចខ្លួនបាត់ស្រមោល។ក្រោយពេលកើតហេតុ សមត្ថកិច្ចជំនាញបានចុះទៅពិនិត្យ និងវាស់វែង ហើយបានសន្និដ្ឋានថា មូលហេតុ គឺផ្តើមឡើងដោយសារ ម្ចាស់រថយន្ត ឈប់មិនបានដាក់ភ្លើង សញ្ញាសម្គាល់ ទើបបង្កឲ្យមានគ្រោះថ្នាក់ កើតឡើងយ៉ាងដូច្នេះ។
