George Manneh Weah អតីតកីឡាករបាល់ទាត់ដែលធ្លាប់លេងឲ្យក្លឹបជាច្រើននៅអឺរ៉ុបបានជាប់ឆ្នោតក្លាយជាប្រធានាធិបតីនៃលីបេរីយ៉ាជាប្រទេសស្ថិតនៅភាគខាងលិចទ្វីបអាហ្វ្រិក។
Manneh Weah
បុរសវ័យ៥១ឆ្នាំបានចូលនិវត្តន៍ពីបាល់ទាត់នៅឆ្នាំ២០០៣ ហើយចូលប្រលូកក្នុងឆាកនយោបាយនៅឆ្នាំ២០០៥។ នៅឆ្នាំ២០១១ Weah បានឈរឈ្មោះជាបេក្ខភាពតំណែងអនុប្រធានាធិបតីតែមិនជោគជ័យទើបតែឆ្នាំ២០១៧នេះរូបលោកបានឈ្នះឆ្នោតក្លាយជាប្រធានាធិបតីដែលនឹងទៅជំនួសលោកស្រី Ellen Sirleaf Johnson ក្នុងពេលឆាប់ៗ។
លេងជាខ្សែប្រយុទ្ធនៅក្លឹបប្រមាណ១១ផ្សេងគ្នា Weah បានឈ្នះ Ballon d'Or ក្នុងឆ្នាំ១៩៩៥ពេលលេងជាមួយ AC Milan ធ្វើឲ្យរូបលោកក្លាយជាកីឡាករអាហ្វ្រិកទីមួយដែលកាន់កាប់ពានរង្វាន់ផ្ទាល់ ខ្លួនដ៏ធំមួយនេះ៕
