ប្រភពព័ត៌មានពីបុរសម្នាក់ ដែលបានឃើញហេតុការណ៍ប្រាប់ឲ្យដឹងថា មុនពេលកើតហេតុ វេលាម៉ោងប្រហែល៥ព្រឹក រូបគាត់បានទៅបេះត្រកួននៅក្នុងបឹងក្បែរផ្ទះរបស់គាត់ដូចសព្វមួយដងសម្រាប់យកទៅលក់។ ក្រោយមកប្រហែលម៉ោង៧ជាង ព្រឹកថ្ងៃដដែល ស្រាប់តែមានបុរសម្នាក់ត្រូវជាអ្នកភូមិក្នុងសហគមន៍វៀតណាម ជាមួយគ្នា បានឃើញជនរងគ្រោះដេកនៅក្នុងទឹកបឹងត្រកួន ទើបស្រែកហៅរូបគាត់ឲ្យទៅជួយមើល និង ស្រែកហៅតៗគ្នា ដើម្បីមកជួយស្រង់ជនរងគ្រោះយកទៅផ្ទះ។
ដោយឡែក សមត្ថកិច្ចជំនាញផ្នែកកោសលវិច័យខណ្ឌដង្កោ រួមនឹងនគរបាលមូលដ្ឋាន បានចុះមកធ្វើការពិនិត្យសពបញ្ជាក់ថា ជនរងគ្រោះពិតជាស្លាប់ដោយសារឈ្លក់ទឹកប្រាកដមែន មិនជាប់ពាក់ព័ន្ធករណីផ្សេងឡើយ។ ក្រោយពីពិនិត្យរួចរាល់ សមត្ថកិច្ចបានប្រគល់សពឲ្យទៅក្រុមគ្រួសារយកទៅធ្វើបុណ្យតាមប្រពៃណី ៕
