ខេត្តកំពង់ស្ពឺ ៖ ចោរកម្មមួយកន្លែងត្រូវបាននគរបាលនាយកដ្ឋានព្រហ្មទណ្ឌក្រសួងមហាផ្ទៃចុះធ្វើការបង្ក្រាបបន្ទាប់ពីឃាត់ខ្លួនជនសង្ស័យបានម្នាក់កាលពីពេលថ្មីៗកន្លងទៅនេះ។
ម្ចាស់ទីតាំងមានឈ្មោះ រី ហៅម៉ៅ និងម្នាក់ទៀតឈ្មោះ ហ៊ុន គន្ធា ដែលជនសង្ស័យទាំង២កំពុងរត់គេចខ្លួន ។ ប្រតិបត្តិការណ៍បង្ក្រាបនេះស្ថិតក្នុងភូមិក្រាំងពលទេព សង្កាត់រការធំ ក្រុងច្បារមន ខេត្តកំពង់ស្ពឺ ។
បើតាមមន្ត្រីនគរបាលមួយរូបបង្ហើបថា ឈ្មោះ ធា ជាអ្នកដែលចាំទិញនៅទីតាំងខាងលើចំណែកឈ្មោះ រី ហៅ ម៉ៅ ជាអ្នកដើរទាក់ទងក្រុមជនសង្គមងងឹត ឲ្យយកម៉ូតូមកលក់ឲ្យខ្លួននៅពេលធ្វើសកម្មភាពលួច ឬប្លន់បាន ។ ក្នុងចំណោមជនសង្ស័យទាំង២នាក់មានម្នាក់ជាមន្ត្រីនគរបាលខេត្តទៀតផង។ មហាជន ក៏ដូចជាអ្នករស់នៅក្បែរខាងបានលើកឡើងថា ទីតាំងខាងលើពេលយប់មានក្រុមក្មេងស្ទាវ យកម៉ូតូមកប្រចាំ ឬលក់ឲ្យម្ចាស់ទីតាំងខាងលើ ។
យោងតាមចម្លើយសារភាពដែលសមត្ថកិច្ច ឃាត់ខ្លួនបាននិយាយថា គឺគេតែងយកមកលក់ឲ្យមនុស្ស២នាក់នៅកំពង់ស្ពឺនេះគឺម្នាក់ឈ្មោះ រី ហៅម៉ៅ និងម្នាក់ទៀតឈ្មោះ ធា ។ លោកឧត្តមសេនីយ៍ទោបានបន្តថា ក្រោយចុះឆែកឆេរសមត្ថកិច្ចរបស់លោករកឃើញម៉ូតូដែលជាផលចោរកម្មជាច្រើនគ្រឿង ចំពោះវត្ថុតាងម៉ូតូទាំង២៩គ្រឿង និងគ្រឿងបន្លាស់មួយចំនួនធំទៀត នៅទីតាំងខាងលើ
