ខេត្តបាត់ដំបង ៖ លោកឥន្ទ សេនា នាយប៉ុស្តិ៍រដ្ឋបាលឃុំព្រៃចាស់ ស្រុកឯកភ្នំ ដែលអះអាងថា ត្រូវអ្នកបើកបរកាណូតម្នាក់វាយប៉ោងភ្នែកម្ខាង ពេលដឹកនាំកម្លាំងចុះបង្ក្រាបបទល្មើស កាលពីអំឡុងខែសីហាកន្លងទៅនោះ ពេលនេះមន្ត្រីរូបនេះ បែរជាក្លាយទៅជាជនសង្ស័យ ពាក់ព័ន្ធដំណើររឿង (ប្រើហិង្សាដោយចេតនា) ទៅលើម្ចាស់កាណូតទៅវិញ ហើយត្រូវតំណាងអយ្យការអមសាលាដំបូងខេត្តចេញដីកាកោះអញ្ជើញ ឱ្យចូលទៅបំភ្លឺនៅតុលាការនៅសៀលថ្ងៃទី១០ តុលា ។
លោកឧត្តសេនីយត្រី ជេត វណ្ណនី ស្នងការរងខេត្ត បានមានប្រសាសន៍ថា តំណាអយ្យការអមសាលាដំបូងខេត្ត ពិតជាបានចេញដីកាកោះហៅលោកឥន្ទ សេនា នាយប៉ុស្ដិ៍នគរបាលឃុំព្រៃចាស់ ឱ្យចូលបំភ្លឺមែន ក្នុងនាមជាជនសង្ស័យដែលរងការប្ដឹងបកវិញ ដោយក្រុមគ្រួសាររបស់ឈ្មោះសាន ឡេន អាយុ២៥ឆ្នាំ នៅភូមិបាក់ព្រា ឃុំព្រៃចាស់ ស្រុកឯកភ្នំ ដែលត្រូវសមត្ថកិច្ចបង្ក្រាបរឿងបើកកាណូតលឿនរំខានអ្នកដទៃ កាលពីខែសីហាកន្លងទៅ ។
លោកស្នងការរងបញ្ជាក់ថា ម្ចាស់កាណូតនោះ ត្រូវបានឃាត់ខ្លួនបញ្ជូនទៅកាន់តុលាការ តែត្រូវបានដោះលែងវិញ ដោយតុលាការសំអាងថា ជននោះ មានជំងឺសរសៃប្រសាត ដែលមានឯកសារបញ្ជាក់ពីគ្រួពេទ្យទៀតផង ។ បើយោងតាម«ដីកាកោះ»របស់តំណាងអយ្យការដែលកោះសន្តិភាពទទូលបាន គឺដីកានោះចេញដោយលោកគឺ ប៊ុណ្ណរ៉ា ព្រះរាជអាជ្ញារងអមសាលាដំបូងខេត្ត ចុះថ្ងៃទី២៦កញ្ញា ២០១៧ បានកោះអញ្ជើញឈ្មោះឥន្ទ សេនា ភេទប្រុស ជាជនសង្ស័យ មានមុខងារជាមេប៉ុស្ដិ៍រដ្ឋបាលឃុំព្រៃចាស់ ។ ដីកានេះបានកំណត់ ឱ្យលោកឥន្ទ សេនា ចូលខ្លួនទៅកាន់តំណាងអយ្យការនៅរសៀលថ្ងៃទី១០កញ្ញា ២០១៧ ដើម្បីសាកសួរពីដំណើររឿង(ហិង្សាដោយចេតនា) តាមបណ្ដឹងរបស់ឈ្មោះព្រំ ពៅ ភេទប្រុស ដែលគេសង្ស័យថា ជាក្រុមគ្រួសាររបស់ឈ្មោះសាន ឡេន ដែលត្រូវសមត្ថកិច្ចឃាត់ខ្លួនពីរឿងបើកកាណូតលឿន ។
គួររំលឹកថា កាលពីព្រឹកថ្ងៃទី២១ សីហា ២០១៧ លោកឥន្ទ សេនា នាយប៉ុស្ដិ៍រដ្ឋបាលឃុំព្រៃចាស់ ស្រុកឯកភ្នំ បានដឹកនាំកម្លាំងក្រោមឱវាទមួយក្រុម ចុះទៅឃាត់ខ្លួនឈ្មោះសាន ឡេន អាយុ២៥ឆ្នាំ ខណៈដែលជននេះកំពុងសម្ងំដេកនៅក្នុងផ្ទះ ស្ថិតនៅភូមិបាក់ព្រា ឃុំព្រៃចាស់ ដោយចោទបុរសនេះថា បានបើកបរកាណូតលឿនហាមមិនស្ដាប់ ដែលនាំរំខានដល់អ្នកដទៃស្ទើររាល់ថ្ងៃ។ ក្នុងកិច្ចប្រតិបត្តិការនេះ បានប្រទូស្ដរាយគ្នាយ៉ាងខ្លាំង រវាងកម្លាំងសមត្ថកិច្ច និងឈ្មោះសាន ឡេន រហូតធ្វើឲ្យសមត្ថកិច្ច២នាក់រងរបួស គឺលោកឥន្ទ សេនា របួសប៉ោងភ្នែកម្ខាង និងមន្ត្រីម្នាក់ទៀតឈ្មោះធឿន ភក្ដី របួសបាក់ខ្ទង់ច្រមុះ ប៉ុន្តែជនសង្ស័យឈ្មោះសាន ឡេន ក៏របួសធ្ងន់ធ្ងរដែរ រហូតក្អួតធ្លាក់ឈាមទៀតផង ។
ជាមួយនិងការបង្ក្រាបដោយហិង្សានេះ សមត្ថកិច្ចបានឃាត់ខ្លួនឈ្មោះសាន ឡេន បញ្ជូនមកកាន់ស្នងការខេត្តទាំងស្នាមរបួសសុះសាច់។ ប៉ុន្តែពេលមកដល់ស្នងការខេត្ត មន្ត្រីការិយាល័យជំនាញ ក៏បានប្រគល់ឈ្មោះសាន ឡេន ឲ្យទៅអាណាព្យាបាលវិញ ដើម្បីនាំទៅព្យាបាលនៅមន្ទីរពេទ្យសិន ដោយសារតែជននេះក្អួតធ្លាក់ឈាម ហើយក៏មានការឯកភាពពីតំណាងអយ្យការ និងលោកស្នងការខេត្តដែរ។ ដោយសារតែឃើញជនសង្ស័យឈ្មោះសាន ឡេន ត្រូវបានដោះលែងនៅក្រៅឃុំ ដើម្បីព្យាបាលរបួស លោកឥន្ទ សេនា នាយប៉ុស្ដ៏រដ្ឋបាលព្រៃចាស់ ដែលត្រូវជននេះវាយប៉ោងភ្នែកម្ខាង បានផ្ទុះប្រតិកម្មយ៉ាងខ្លាំង រហូតប្រមានដោះសម្លៀកបំពាក់ប្រគល់ជួនអង្គភាពលាឈប់ពីការងារទៀតផង។
ប៉ុន្តែក្រោយពីស្នាមរបួសរបស់ឈ្មោះសាន ឡេន ជាសះស្បើយ មន្ត្រីការិយាល័យជំនាញក៏បាននាំខ្លួនជននេះ មកសាកសួរជាថ្មី ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់។ ក្រោយពីសួរនាំតំណាងអយ្យការបានសម្រេចដោះលែងជននេះវិញ ដោយសំអាងថា ឈ្មោះសាន ឡេន មានរោគសរសៃប្រសាត ដែលមានលិខិតបញ្ជាក់ពីគ្រួពេទ្យយ៉ាងច្បាស់លាស់ទៀតផង ៕
លោកឧត្តសេនីយត្រី ជេត វណ្ណនី ស្នងការរងខេត្ត បានមានប្រសាសន៍ថា តំណាអយ្យការអមសាលាដំបូងខេត្ត ពិតជាបានចេញដីកាកោះហៅលោកឥន្ទ សេនា នាយប៉ុស្ដិ៍នគរបាលឃុំព្រៃចាស់ ឱ្យចូលបំភ្លឺមែន ក្នុងនាមជាជនសង្ស័យដែលរងការប្ដឹងបកវិញ ដោយក្រុមគ្រួសាររបស់ឈ្មោះសាន ឡេន អាយុ២៥ឆ្នាំ នៅភូមិបាក់ព្រា ឃុំព្រៃចាស់ ស្រុកឯកភ្នំ ដែលត្រូវសមត្ថកិច្ចបង្ក្រាបរឿងបើកកាណូតលឿនរំខានអ្នកដទៃ កាលពីខែសីហាកន្លងទៅ ។
លោកស្នងការរងបញ្ជាក់ថា ម្ចាស់កាណូតនោះ ត្រូវបានឃាត់ខ្លួនបញ្ជូនទៅកាន់តុលាការ តែត្រូវបានដោះលែងវិញ ដោយតុលាការសំអាងថា ជននោះ មានជំងឺសរសៃប្រសាត ដែលមានឯកសារបញ្ជាក់ពីគ្រួពេទ្យទៀតផង ។ បើយោងតាម«ដីកាកោះ»របស់តំណាងអយ្យការដែលកោះសន្តិភាពទទូលបាន គឺដីកានោះចេញដោយលោកគឺ ប៊ុណ្ណរ៉ា ព្រះរាជអាជ្ញារងអមសាលាដំបូងខេត្ត ចុះថ្ងៃទី២៦កញ្ញា ២០១៧ បានកោះអញ្ជើញឈ្មោះឥន្ទ សេនា ភេទប្រុស ជាជនសង្ស័យ មានមុខងារជាមេប៉ុស្ដិ៍រដ្ឋបាលឃុំព្រៃចាស់ ។ ដីកានេះបានកំណត់ ឱ្យលោកឥន្ទ សេនា ចូលខ្លួនទៅកាន់តំណាងអយ្យការនៅរសៀលថ្ងៃទី១០កញ្ញា ២០១៧ ដើម្បីសាកសួរពីដំណើររឿង(ហិង្សាដោយចេតនា) តាមបណ្ដឹងរបស់ឈ្មោះព្រំ ពៅ ភេទប្រុស ដែលគេសង្ស័យថា ជាក្រុមគ្រួសាររបស់ឈ្មោះសាន ឡេន ដែលត្រូវសមត្ថកិច្ចឃាត់ខ្លួនពីរឿងបើកកាណូតលឿន ។
គួររំលឹកថា កាលពីព្រឹកថ្ងៃទី២១ សីហា ២០១៧ លោកឥន្ទ សេនា នាយប៉ុស្ដិ៍រដ្ឋបាលឃុំព្រៃចាស់ ស្រុកឯកភ្នំ បានដឹកនាំកម្លាំងក្រោមឱវាទមួយក្រុម ចុះទៅឃាត់ខ្លួនឈ្មោះសាន ឡេន អាយុ២៥ឆ្នាំ ខណៈដែលជននេះកំពុងសម្ងំដេកនៅក្នុងផ្ទះ ស្ថិតនៅភូមិបាក់ព្រា ឃុំព្រៃចាស់ ដោយចោទបុរសនេះថា បានបើកបរកាណូតលឿនហាមមិនស្ដាប់ ដែលនាំរំខានដល់អ្នកដទៃស្ទើររាល់ថ្ងៃ។ ក្នុងកិច្ចប្រតិបត្តិការនេះ បានប្រទូស្ដរាយគ្នាយ៉ាងខ្លាំង រវាងកម្លាំងសមត្ថកិច្ច និងឈ្មោះសាន ឡេន រហូតធ្វើឲ្យសមត្ថកិច្ច២នាក់រងរបួស គឺលោកឥន្ទ សេនា របួសប៉ោងភ្នែកម្ខាង និងមន្ត្រីម្នាក់ទៀតឈ្មោះធឿន ភក្ដី របួសបាក់ខ្ទង់ច្រមុះ ប៉ុន្តែជនសង្ស័យឈ្មោះសាន ឡេន ក៏របួសធ្ងន់ធ្ងរដែរ រហូតក្អួតធ្លាក់ឈាមទៀតផង ។
ជាមួយនិងការបង្ក្រាបដោយហិង្សានេះ សមត្ថកិច្ចបានឃាត់ខ្លួនឈ្មោះសាន ឡេន បញ្ជូនមកកាន់ស្នងការខេត្តទាំងស្នាមរបួសសុះសាច់។ ប៉ុន្តែពេលមកដល់ស្នងការខេត្ត មន្ត្រីការិយាល័យជំនាញ ក៏បានប្រគល់ឈ្មោះសាន ឡេន ឲ្យទៅអាណាព្យាបាលវិញ ដើម្បីនាំទៅព្យាបាលនៅមន្ទីរពេទ្យសិន ដោយសារតែជននេះក្អួតធ្លាក់ឈាម ហើយក៏មានការឯកភាពពីតំណាងអយ្យការ និងលោកស្នងការខេត្តដែរ។ ដោយសារតែឃើញជនសង្ស័យឈ្មោះសាន ឡេន ត្រូវបានដោះលែងនៅក្រៅឃុំ ដើម្បីព្យាបាលរបួស លោកឥន្ទ សេនា នាយប៉ុស្ដ៏រដ្ឋបាលព្រៃចាស់ ដែលត្រូវជននេះវាយប៉ោងភ្នែកម្ខាង បានផ្ទុះប្រតិកម្មយ៉ាងខ្លាំង រហូតប្រមានដោះសម្លៀកបំពាក់ប្រគល់ជួនអង្គភាពលាឈប់ពីការងារទៀតផង។
ប៉ុន្តែក្រោយពីស្នាមរបួសរបស់ឈ្មោះសាន ឡេន ជាសះស្បើយ មន្ត្រីការិយាល័យជំនាញក៏បាននាំខ្លួនជននេះ មកសាកសួរជាថ្មី ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់។ ក្រោយពីសួរនាំតំណាងអយ្យការបានសម្រេចដោះលែងជននេះវិញ ដោយសំអាងថា ឈ្មោះសាន ឡេន មានរោគសរសៃប្រសាត ដែលមានលិខិតបញ្ជាក់ពីគ្រួពេទ្យយ៉ាងច្បាស់លាស់ទៀតផង ៕