ចង់មានសម្រស់ស្អាតក្មេងជាងវ័យ អ្នកមិនអាចពឹងផ្អែកទៅលើការប្រើប្រាស់ផលិតផលតែម្យ៉ាងទេ។ ស្បែកដែលមានសុខភាពល្អ ទាមទារឱ្យមានជីវជាតិចិញ្ចឹមពីខាងក្នុងតាមរយៈការបរិភោគអាហារ និងការផឹកទឹកបានគ្រប់គ្រាន់។ អាថ៌កំបាំងនៃការថែរក្សាសម្រស់ឱ្យក្មេងជាងវ័យ ដោយគ្រាន់បរិភោគបង្កង។
បង្កងសម្បូរទៅដោយជាតិស័ង្កសី ដែលជួយបង្កើនភាពភ្លឺថ្លាឱ្យស្បែក និងពន្លឿនការជួសជុសកោសិកាខូចៗ ធ្វើឱ្យកោសិកាថ្មីឆាប់កកើតឡើងវិញ។ មិនតែប៉ុណ្ណោះ ញ៉ាំបង្កងធ្វើឱ្យអ្នកមានអារម្មណ៍ឆ្អែតបានយូរព្រោះវាមានជាតិប្រូតេអ៊ីនច្រើន និងមានជាតិកូឡេស្តេរ៉ូលទាបដូច្នេះអ្នកមិនបាច់បារម្ភខ្លាចឡើងទម្ងន់ទេ។
ជាតិខ្លាញ់ អូម៉េហ្គា ៣ ដែលមានក្នុងបង្កងធ្វើឱ្យប្រព័ន្ធស៊ាំរបស់រាងកាយរឹងមាំ ហើយសមត្ថភាពខួរក្បាលក៏កាន់តែមានសន្ទុះ។ សម្រាប់អ្នកដែលកំពុងមានរបួស យើងសូមណែនាំឱ្យបរិភោគសាច់បង្កងព្រោះវាធ្វើឱ្យរបួសនោះឆាប់ជាសះស្បើយ៕
ប្រភព៖ herworldplus
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)